كانادا تاۋلارىندا 20 جاسار قازاقستاندىقتى قۇتقاردى - كەسكىن
قۇتقارۋشىلاردىڭ ايتۋىنشا، دۇيسەنبى كۇنى تۇندە كومەك سۇراپ، س م س- حابارلاما(كەلتە حات) جىبەرگەن، الايدا ول تەك سەيسەنبى كۇنى تاڭدا تابىلدى. ارسلان ءجۇنىستى جەرگىلىكتى ۋاقىتپەن تاڭەرتەڭ ساعات 10 دا تىكۇشاقپەن قۇتقاردى.
«North Shore Rescuە» قۇتقارۋشىلارىنىڭ ايتۋىنشا، قازاقستاندىق قاتتى توڭعان، ءبىراق تاۋدا تۇنەگەنىن ەسەپكە العاندا ونىڭ جاعدايىن جاقسى دەپ باعالاۋعا بولادى، دەپ حابارلايدى News Vancoover. ارسلاننىڭ سوزىنە قاراعاندا، ول قۇتقارۋشىلار كەلگەنگە دەيىن قارلى ۇڭگىردە تۇنەگەن. ولاردىڭ كومەگىنسىز ءتىرى قالۋى ەكىتالاي ىزدەۋ بريگاداسىنا العىس ءبىلدىردى. قۋانىشقا وراي، اۋا رايى جىلى بولعان. ارسلاننىڭ اكەسى باعلان ءجۇنىس Kazakh Alpine Club پرەزيدەنتى بولىپ جۇمىس جاسايدى. ونىڭ ايتۋىنشا، ول كانادالىق قۇتقارۋشىلاردىڭ كاسىبيلىگىنە كۇمان كەلتىرمەگەن. بۇل تۋرالى Facebook-كە جازدى.
«كەشە كانادا تاۋلارىندا ارسلاننان كومەك سۇراعان حابارلاما كەلدى. مەن بىرنەشە رەت قۇتقارۋ وپەراتسيالارىنا قاتىسقانمىن (...) ارسلاننىڭ تاۋدا سۋىق تۇنگە شىداۋى ماڭىزدى ەدى. ول مۇنى جاساي الدى. ولار ارادا 17 ساعات وتكەننەن كەيىن قۇتقارا الدى. ءبىز كەشە كۇنى بويى ۇلىمىز ءۇشىن جالبارىندىق. ول جارادى، بارلىعىن دۇرىس جاسادى. ۇڭگىر قازىپ، دۇرىس قىمتانىپ، ابدىراماي قۇتقارۋشىلاردى كۇتتى!»، - دەپ جازدى ارسلاننىڭ اكەسى.
Rescuers take off with the long line. Weather cooperating so far... pic.twitter.com/NwM17lnF7z
— Nafeesa Karim (@nafeesakarim) December 27, 2016
