مۇنايدىڭ باعاسى 20 دوللاردان دا تومەن بولۋى مۇمكىن - ۆەنەسۋەلا ءمينيسترى
بۇل تۋرالى ر ب ك حابارلادى.
«ءبىز باعا ماسەلەسى بويىنشا قيىندىققا تاپ بولماۋ ءۇشىن ساۋد اربياسى مەن يرانمەن تۇراقتى بايلانىستامىز. ەگەر ءبىز كەلىسىمگە كەلە الماساق، باعامەن بايلانىستى بولىپ جاتقان قيتۇرقى ارەكەتتەردىڭ قۇربانى بولامىز. وندا مۇناي باعاسى باررەلىنە 20 دوللاردان دا تومەندەۋى مۇمكىن»، - دەدى دەل پينو.
قازىرگى تاڭدا Bank of America ساراپشىلارى مۇناي نارىعىندا باعا ماسەلەسىنە قاتىستى سوعىستاردى جالعاستىرۋدىڭ ەشقانداي ءمانى جوق ەكەندىگىن ايتىپ وتىر. بانك ساراپشىلارىنىڭ دەرەكتەرى بويىنشا، بۇگىنگى تاڭدا مۇنايدى ءوندىرۋ كولەمىن ۇلعايتۋ ەشقانداي دا پايدا اكەلمەيدى جانە وپەك ءۇشىن دە مۇناي ءوندىرۋ ىسىنە ينۆەستيتسيالاردى ۇلعايتۋ ءتيىمسىز.
ر ب ك مالىمەتتەرى بويىنشا، ەگەر كارتەل مۇشەلەرى باعانى تۇراقتاندىرۋ باعىتىندا ءبىر كەلىسىمگە كەلەتىن بولسا، ءىرى مۇناي ءوندىرۋشى مەملەكەتتەردىڭ كەزدەسۋى الجيردە 28 -قىركۇيەكتە وتەدى. الايدا، وپەك مۇشەلەرىنىڭ ءبىر- بىرىمەن ءتىل تابىسا الماۋى ابدەن مۇمكىن. ويتكەنى، ساۋد ارابياسى مەن يران ءالى كۇنگە دەيىن ءوزارا كەلىسىمگە كەلە الماي وتىر.
