شىعىس قازاقستاندا 20- عاسىردىڭ باسىنداعى قازاق زيالىلارىنا ارنالعان ءۇش كورمە وتكىزىلدى

وسكەمەن. قازاقپارات - ءوڭىردىڭ مۇراجاي-قورىعىندا بىرەگەي ءۇش كورمە اشىلدى، ەكەۋى دەربەس جانە مۇراعاتتى فوتوكورمە.

ەكسپوزيتسيا مەملەكەت قايراتكەرى، العاشقى ابايدىڭ ءومىربايانشىسى ءاليحان بوكەيحان ۇلىنىڭ 150 جىلدىعىنا جانە كورنەكتى جازۋشى-ابايتانۋشى قايىم مۇحامەدجانوۆتىڭ 100 جىلدىعىنا ارنالدى.

جادىگەرلەر اراسىندا - بوكەيحان ۇلىنىڭ تاريحي-ەتنوگرافيالىق ەڭبەكتەرى، مۇحامەدجانوۆقا تيەسىلى تۋىندىلار، فوتوگرافيالار، مۇراجاي-قورىق قورىنان قۇجاتتار، سۋرەتتەر بار. اباي تانۋشىنىڭ ءومىرى مەن شىعارماشىلىعىنا قاتىستى ەكسپوناتتاردىڭ باسىم بولىگىن تۋىستارى بەردى. سونىڭ ارقاسىندا جازۋشىنىڭ جۇمىس كابينەتىنىڭ فراگمەنتى جاسالدى.

«مۇراجاي-قورىقپەن ىنتىماقتاستىق ارقاسىندا «الاش» قوزعالىسىن قۇرۋ تاريحىنا بايلانىستى بارلىق ماتەريالداردى وبەكتيۆتى جانە تولىقتاي كورسەتە الامىز»، - دەپ اتاپ ءوتتى كورمەنىڭ اشىلۋىندا ش ق و مەملەكەتتىك مۇراعات ديرەكتورى تۇسىپبەكوۆ.

كورمە 1- قازانعا دەيىن جالعاسادى، - دەپ حابارلادى مۇراجاي باسپا ءسوز قىزمەتىنەن.