پاۆلوداردا 20 - تامىزدا اڭشىلىق ماۋسىمى اشىلادى
دەپ حابارلايدى pаvlodarnews.kz.
پاۆلودار وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسى ءمالىم ەتكەندەي، بالشىقشى، بودەنە، كەپتەرگە 2016 -جىلعى 20 - تامىزدان 30 - قاراشاعا دەيىن عانا قۇرىق سالۋعا رۇقسات. ال، شىلدى اۋلاۋ 3 - قىركۇيەكتەن 15 - قاراشاعا دەيىن جالعاسادى. قاز، ۇيرەك، قاسقالداق، قۇردى اۋلاۋ مەرزىمى 3 -قىركۇيەكتەن 30 - قاراشاعا دەيىن، بورسىقتى اۋلاۋ 3 - قىركۇيەكتەن جىل سوڭىنا دەيىن ۇزارتىلدى. قويان، قارساق، تۇلكىنى اۋلاۋعا 2016 -جىلعى 1 - قاراشادان 2017 -جىلدىڭ 15 - اقپانىنا دەيىن رۇقسات ەتىلەدى. ءسىبىر ەلىگىن ۇستاۋ ۋاقىتى تەك 20 - قىركۇيەكتەن 31- جەلتوقسانعا دەيىن.
ايتا كەتەرلىگى، ءسىبىر ەلىگىنە اڭشىلىق جاساۋ بەلگىلەنگەن اڭشىلىق ەرەجەسىنە سايكەس جانە اڭشىلىق شارۋاشىلىعىنىڭ ءتيىستى سۋبەكتى قورىقشىسىنىڭ قاتىسۋىمەن جۇزەگە اسىرىلادى. سونداي- اق « قىزىل تاۋ» مەملەكەتتىك قورىعىنىڭ، باياناۋىل مەملەكەتتىك ۇلتتىق تابيعي ساياباعىنىڭ، «ەرتىس ورمانى» مەملەكەتتىك ورمان تابيعي رەزەرۆاتىنىڭ، «ەرتىس وزەنى جايىلماسى» مەملەكەتتىك كەشەندىك قاۋمالىنىڭ، پاۆلودار وبلىسى اڭشىلىق جەرلەرى رەزەرۆتىك قورىنىڭ، ق. ي. ساتبايەۆ اتىنداعى سانيتارلىق ايماق كانالىنىڭ اۋماعىندا قۇستارعا اڭ اۋلاۋ تىيىم سالىنعان. اڭشىلىق ەرەجەسىن بۇزعاندار اكىمشىلىك جانە قىلمىستىق جاۋاپقا تارتىلادى.
