مايرا مۇحامەد قىزى تۇڭعىشىن 20 جىل كۇتكەنى جايلى ايتتى
بۇگىندە ءانشىنىڭ ءتورت جاسار ايدا ەسىمدى قىزى بار. ول وزىنە تىلەكشى بولعان حالىققا العىس ايتىپ، قازاقتىڭ كوك تۋىن جەلبىرەتۋگە وزىندىك ۇلەسىن قوساتىنىن ايتىپ ءوتتى.
بۇل تۋرالى Stan.kz حابارلايدى.
وتاندىق باعدارلامالاردىڭ بىرىنە وتباسىمەن كەلگەن مايرا مۇحامەد قىزى قۋانىشىن ءبولىستى. 20 -جىلدان كەيىن قىزدى بولعانىن ايتىپ، وزىنە تىلەكشى بولعان حالىققا العىس ايتتى. مۇنىمەن قاتار، انا باقىتىن العاش رەت سەزىنگەن ءسات تۋرالى تولىعىراق بايانداپ بەردى.
«كوپ تىلەسە كول بولادى دەمەكشى، حالىق بىزگە سول باقىتتىڭ بۇيىرۋىن تىلەدى. سوندىقتان بارشا قازاق ەلىنە وسى ءساتتى پايدالانىپ العىس ايتامىن. انا بولۋ مەن ءانشى بولۋ ەكى بولەك دۇنيەلەر. جولداسىما دا العىسىم شەكسىز. ءاردايىم «مايرا، ءالى دە كەش ەمەس. عىلىم دامىعان زامان. باستىسى جۇرەگىڭ تازا بولسا، اللا بەرەدى» دەيتىن.
وسى تىلەگىمىزدى قابىل الىپ، جاراتقان بىزگە پەرزەنت سىيلادى. ەسىمىن ايدا دەپ قويدىق. اۋدارماسىندا «اللانىڭ سىيى» دەگەن ماعىنانى بىلدىرەدى. بۇيىرسا، ءتورت جاسقا كەلەدى. ءالى دە قىزىعىنا تويماي ءجۇرمىز. سەزىمتال بولىپ تا كەتتىك. اللاعا مىڭ شۇكىر، ايدام امان بولسىن دەپ تىلەيمىن»، - دەيدى مايرا مۇحامەد قىزى.
ءانشى ەڭ العاش بيبىگۇل تولەگەنوۆادان ءسۇيىنشى سۇراعان. ال مۇنداي جاعداي قاراقات پەن ءقىدىرالىنىڭ دە باسىندا بولعان ەكەن. العاشقى بالالارى دۇنيەگە كەلگەن سوڭ 8 جىل بالا كوتەرە الماعان- دى. وسىدان كەيىن قازاقتىڭ ىرىمىنا سەنىپ، استاناعا قونىس اۋدارعان. ارتىنشا بىرىنەن كەيىن ءبىرى شەكەسى تورسىقتاي ۇلدار دۇنيەگە كەلگەن. جۋىردا مايرا مۇحامەد قىزى دا استاناعا قونىس اۋدارعالى وتىر. ول دا ارىپتەستەرىنىڭ قۋانىشى جۇعىستى بولادى دەگەن ۇمىتتە.
مايرا مۇحامەد قىزى بۇگىنگى تاڭدا لا سكالا، مەتروپوليتەن، گران وپەرا سىندى الەمدەگى ايگىلى وپەرا تەاترلارىندا ونەر كورسەتىپ ءجۇر.
