ا ق ش- تىڭ 20 شتاتىندا ەسىرتكىلىك وسىمدىكتى ەم ءۇشىن پايدالانۋعا رۇقسات بەرىلدى
قازىرگى تاڭدا الەم بويىنشا پسيحواكتيۆتى زاتتاردىڭ جاڭا تۇرلەرى پايدا بولۋدا. بۇعان حالىقارالىق ۇيىم وكىلدەرى وتە الاڭداۋلى. ويتكەنى اۋىر قىلمىستاردى كوبىنە-كوپ ناشاقورلار جاسايدى. ماريحۋانا ءيىسى نيۋ-يورك تۇرعىندارىنىڭ بەرەكەسىن قاشىرۋدا. قولقانى قاباتىن جاعىمسىز ءيىستى برۋكلين مەن گارلەمنەن بولەك تايمس-سكۆەر جانە ورتالىق ساياباقتان دا سەزۋگە بولادى. ساراپشىلار ناشاقورلىققا قارسى كۇرەستىڭ تيىمسىزدىگىن ايتۋدا.
ءتىپتى ەندى ا ق ش- تىڭ 20 شتاتىندا ماريحۋنانى ەمدىك ماقساتتا پايدالانۋعا رەسمي رۇقسات بەرىلدى. بۇگىندە ەۋروپا كوشەلەرىنەن گاشيش پەن گەرويندى ەركىن ساتىپ الۋعا بولادى. ال لاتىن امەريكاسىندا تىپتەن كەز كەلگەن ادام ءوز اۋلاسىندا التى ءتۇپ كەندىرگە دەيىن وسىرۋگە قۇقىلى. ەسىرتكىنىڭ كەي تۇرلەرى زاڭداستىرىلعاننان كەيىن قىلمىستىق كورسەتكىش تە ارتا تۇسكەن.
بۇل ماسەلە ب ۇ ۇ- دا بەي-جاي قالدىرعان جوق. پىكىرتالاس الاڭىندا قازاقستاندىق وكىلدەر دە ءوز ويلارىمەن ءبولىستى.
سۇلتان قۇسەتوۆ، ق ر ىشكى ىستەر مينيسترلىگىنىڭ ەسىرتكى بيزنەسىمەن كۇرەس دەپارتامەنتىنىڭ باسشىسى:
- قازىردە باستى ماسەلە گەروين ىسپەتتەس ەسىرتكىلەردىڭ اۋعانستان ارقىلى قازاقستانعا تاسىمالى بولىپ وتىر. وعان توسقاۋىل بولۋ ءۇشىن ءتيىستى مەملەكەتتىك ورگاندار ايانباي ەڭبەك ەتۋدە. سوڭعى كەزدەرى سينتەتيكالىق ەسىرتكىلەر كوپ تارالۋدا. بۇل باعىتتا دا بىزدە ارنايى زاڭ دا قابىلداندى.
«قازاقستانعا قاۋىپ توندىرەتىن پيحواكتيۆتىك زاتتاردى وڭتۇستىك- شىعىس ازيا ەلدەرىندە شىعارىلادى»، - دەيدى گەنەرال مايور. سوندىقتان بۇۇ بىرىگە وتىرىپ، اينالىمعا شىققان جاڭا ەسىرتكىلەرمەن بىرلەسە كۇرەسۋ جۇيەسىن ەنگىزۋ ماڭىزدى، - دەيدى قازاقستاندىق تاراپ. سۇلتان قۇسەتوۆ، ق ر ءى ءى م ەسىرتكى بيزنەسىمەن كۇرەس دەپارتامەنتىنىڭ باسشىسى:
- قوستاناي وبلىستىق ەسىرتكىگە قارسى كۇرەس دەپارتامەنتى جاقىندا قىلمىستىق توپتى قۇرىقتادى. تەرگەۋ باراسىندا ءبىز 10 گرامنان 100 گرامعا دەيىن، سونداي-اق 100 گرامنان ءبىر كەلىگە دەيىن ەسىرتكى ساتقان قىلمىسكەرلەرى قولعا تۇستىردىك. ءتىپتى وسىنىڭ بارلىعىن ۇيىمداستىرعاندار دا قاماۋعا الىندى. ەسىرتكىگە قارسى حالىقارالىق جۇيە وسىدان 40 جىل بۇرىن ب ۇ ۇ- نىڭ ءۇش كونۆەنسياسىنا ساي قۇرىلعان. ال وسى جولعى جيىندا ەسىرتكى بيزنەسىنە قارسى تۇبەگەيلى كۇرەسۋ تۋرالى ستراتەگيالىق قۇجات قابىلداندى.
www.24.kz
