ەۋرازيا ۇلتتىق ۋنيۆەرسيتەتى ءوزىنىڭ 20 جىلدىعىن مەرەكەلەۋدە
اتالعان جوعارى وقۋ ورنى 1996 -جىلى 23 -مامىردا ەكى ج و و- نى - سەلينوگراد ينجەنەرلىك-قۇرىلىس ينستيتۋتى (س ي ق ي) مەن سەلينوگراد پەداگوگيكالىق ينستيتۋتىن بىرىكتىرۋدىڭ نەگىزىندە قۇرىلدى، دەپ حابارلادى astana.gov.kz.
ە ۇ ۋ 20 -جىلدىعىنا وراي، سەلينوگراد مەملەكەتتىك پەداگوگيكالىق ينستيتۋتى (س م پ ي) مەن ە ۇ ۋ تۇلەكتەرىنىڭ، وقىتۋشىلارى مەن قىزمەتكەرلەرىنىڭ كەزدەسۋىن وتكىزدى.
مەرەكەلىك شاراعا جينالعانداردىڭ نازارىنا مەرەكەلىك كونتسەرت، دەرەكتى فيلم ۇسىنىلدى. تۇلەكتەر مەن تسمپي سوڭعى رەكتورى امانگەلدى قۇسايىنوۆ ءسوز سويلەدى. كەش بارىسىندا ءبىلىم ورداسىنىڭ ۇزدىك تۇلەكتەرى ماراپاتتالدى.
سونىمەن قاتار، مەرەيتويدى اتاپ ءوتۋ اياسىندا ە ۇ ۋ، س م پ ي پەن س ي ق ي تۇلەكتەرى ءۇشىن اشىق ەسىك كۇنى وتكىزىلىپ، بۇرىنعى ستۋدەنتتەر ۋنيۆەرسيتەتتىڭ بارلىق كورپۋستارىن، مۋزەيلەر مەن ستۋدەنتتەردىڭ ۇيلەرىن ارالادى. بۇدان باسقا، ۋنيۆەرسيتەتتە «قالىپتاسۋ مەن دامۋدىڭ 20 -جىلى» فوتوكورمەسى اشىلدى.
ەسكە سالايىق، سەلينوگراد مەملەكەتتىك پەداگوگيكالىق ينستيتۋتى 1962 -جىلى اشىلعان. سەلينوگراد ينجەنەرلىك- قۇرىلىس ينستيتۋتى قازاقستان كومپارتياسىنىڭ وك مەن قازاق ك س ر كەڭەسىنىڭ 1964 -جىلعى 29 -مامىرداعى قاۋلىسىنىڭ نەگىزىندە قۇرىلعان.
