ماڭعىستاۋدا شەتەل تىلىندە ساباق بەرەتىن 20 مۇعالىم بىلىكتىلىگىن ارتتىرۋ ينستيتۋتىندا وقىدى - فوتو
«وتكەن جىلى جەلتوقساندا ماڭعىستاۋ وبلىستىق ءبىلىم باسقارماسىنىڭ بۇيرىعىمەن «2016-2020 -جىلدارعا ارنالعان ءۇش ءتىلدى ءبىلىم بەرۋدى دامىتۋدىڭ جول كارتاسى» بەكىتىلدى. جوبانى پيلوتتى تۇردە ەنگىزۋ ءۇشىن 11 مەكتەپ انىقتالدى، اعىمداعى جىلدىڭ قىركۇيەگىندە ولاردىڭ سانىن ەكى ەسەگە ۇلعايتۋ كوزدەلگەن.
جەرگىلىكتى «قازاقستان- اقتاۋ» تەلەارناسى ارقىلى اعىلشىن ءتىلىن مەڭگەرۋ بويىنشا كۋرستار كورسەتىلەدى. ماڭعىستاۋدا 21 مۇعالىم «ورلەۋ» ماڭعىستاۋ وبلىسى بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتىندا «CLIL» كۋرسىن وقىپ شىقتى. ءتۇسىندىرۋ ءۇشىن اقپاراتتىق- ناسيحاتتىق توپتار قۇرىلدى. بۇگىندە تۇرعىندارمەن جانە پەداگوگتارمەن 20 دان استام كەزدەسۋ وتكىزىلدى»، - دەدى ە. سۋحانبەرديەۆا.
سونداي-اق ۆيتسە-مينيستر ءبىلىم بەرۋدىڭ مازمۇنى وزگەرگەنىنە توقتالدى.
«جازعى ۋاقىتتا 1355 باستاۋىش سىنىپتاردىڭ، قازاق جانە ورىس تىلدەرىنىڭ، دەنە شىنىقتىرۋ جانە ەڭبەك مۇعالىمى جاڭارتىلعان مازمۇن بويىنشا قايتا دايارلاۋدان وتەدى»، - دەدى ۆيتسە-مينيستر.
