استانادا 20- مامىردا «جاس قانات» رەسپۋبليكالىق مۋزىكالىق كونكۋرسى باستالادى
بۇگىن ونەرپازدار استاناعا كەلدى، دەپ حابارلادى .https://astana.gov.kz.
كونكۋرستا اقتوبە، ورال، سەمەي، وسكەمەن، الماتى، تالدىقورعان، شىمكەنت، جەزقازعان جانە قاراعاندى قالالارىنان 14 ورىنداۋشى باعىن سىنايدى. ءۇش ورىنداۋشى استانانىڭ نامىسىن قورعايدى.
- بۇگىن ورىنداۋشىلار كوپ جۇمىس ىستەيدى، دايىندالادى، كەزدەسۋلەر، كونكۋرس الدىنداعى جەرەبە تاستاۋ وتكىزىلەدى، ارتىستەر ءۇشىن بۇل وتە ماڭىزدى. كونكۋرسقا قاتىسۋشىلاردىڭ جاسى 15 تەن 28 گە دەيىن. ءبارى دە بۇرىن باسقا بايقاۋلارعا، سونىڭ ىشىندە حالىقارالىق ءان كونكۋرستارىنا قاتىسقان. «جاس قانات» تا باسقا كونكۋرس سياقتى تاجىريبە جيناۋعا، جاڭا ادامدارمەن تانىسۋعا مۇمكىندىك بەرەدى، سونداي-اق، قاتىسۋشىلارعا ساحنادا ءوزىن-ءوزى ۇستاۋ بويىنشا شەبەرلىك دارىستەرى وتكىزىلەدى. ۆوكالدىڭ شەگىن انىقتاۋ ءۇشىن كونكۋرس رەپەرتۋارى كۇردەلى بولۋى كەرەك. قاتىسۋشىلار ءار ءتۇرلى تىلدەردە ءان سالادى، - دەدى «جاس قانات» بايقاۋىنىڭ وكىلى جىبەك كاشكەيەۆا.
اتالعان بايقاۋ تالاي جاس ورىنداۋشىلاردىڭ جولىن اشتى، قازاقستاندىق جۇلدىزداردىڭ كوبى شىعارماشىلىق جولىن وسىدان باستاعان.
قازاقستاندىق ءانشى نۇرلان ابدۋللين «جاس قانات» جايلى ءوز ويىمەن ءبولىستى.
- «جاس قانات» - بۇل ومىرلىك مەكتەپ. مەن ءۇشىن بۇل اسا ماڭىزى بار ءومىردىڭ، ەردىڭ ۇلكەن مەكتەبى. مەنىڭ ويىمشا، بۇل بايقاۋدا قىسقا عانا ۋاقىتتا الىنعان تاجىريبە، ۋنيۆەرسيتەتتىك بىلىمنەن اسىپ تۇسپەسە، كەم تۇسپەيدى. قانشالىقتى قوبالجۋلى بولسا دا، جاس ءانشى بارشا حالىق الدىندا ءوز ونەرىن كورسەتە الادى. بۇل باعا جەتپەس تاجىريبە، - دەدى ن. ابدۋللين.
«جاس قانات» كونكۋرسى قازاقستاندىق ءانشى مادينا سادۋاقاسوۆانىڭ دا تاعدىرىن انىقتادى.
- ومىرلىك جولىمدى تاڭداۋدا «جاس قانات» بايقاۋى باستى ءرول اتقاردى. بويىما ەرەكشە جاۋاپكەرشىلىك ارتقان ەڭ ماڭىزدى جەڭىسىم دە وسىندا بولدى. سەبەبى، مەنىڭ تالانتىمدى ءادىل قازىلار القاسى مويىنداپ، ماعان ءۇمىت ارتتى. ال قازىلار القاسىندا ءار كەز بەلگىلى مادەنيەت پەن ونەر قايراتكەرلەرى بولاتىن، - دەيدى ورىنداۋشى.
مەرەيتويلىق كونكۋرس 20-22- مامىردا بەيبىتشىلىك جانە كەلىسىم سارايىندا وتەدى.
بيلەت ساتىپ الۋ ماسەلەسى بويىنشا 744650 تەلەفونىنا حابارلاسۋعا بولادى.
