ا ق ش- تا م. ءابىلازوۆ پەن ۆ. حراپۋنوۆتىڭ قىلمىستىق توبى ۇرلاعان 20 ميلليون دوللاردان استام قارجى وقشاۋلاندىرىلدى
2014-جىلدىڭ مامىر ايىندا الماتى قالاسىنىڭ قۇزىرەتتى وكىلدەرى ا ق ش- تاعى كاليفورنيا شتاتىنىڭ سوتىنا ۆ. حراپۋنوۆقا جانە ونىمەن اففيليرلەنگەن تۇلعالارعا قارسى تالاپ-ارىزدارىن بەردى. ءىس جۇرگىزۋ قازاقستان رەسپۋبليكاسى ادىلەت مينيسترلىگىنىڭ قولداۋىمەن وتكىزىلدى. ا ق ش- تاعى سوت تالقىلاۋ بارىسىنداعى مىندەتتى اقپاراتتى اشىپ كورسەتۋ ناتيجەسىندە قازاقستاننان ۇرلاعان جانە الىپ شىعارعان اكتيۆتەر ايقىندالدى.
قىلمىستىق قۋدالاۋدان جانە ولار ۇرلاعان اقشانىڭ تاركىلەنۋىنەن قاۋىپتەنىپ، م. ءابىلازوۆ پەن ۆ. حراپۋنوۆ ا ق ش يۋريسديكتسياسىنان اكتيۆتەرىن جەدەل اكەتۋ ماقساتىمەن مۇلىكتەرىن ساتا باستاعان.
اتاپ ايتقاندا، نيۋ-يوركتەگى وتەلدى اپارتامەنتتەرگە رەكونسترۋكتسيالاۋ بويىنشا جوباداعى ۇلەس ەداۋىر تومەندەتىلگەن. سالىنعان 40 ميلليون ا ق ش دوللاردىڭ ورنىنا ءابىلازوۆ پەن حراپۋنوۆ ءوز ۇلەسىن 21 ميلليون ا ق ش دوللارىنا ساتۋعا ارەكەت جاسادى. الايدا ديەۆەلوپەر مەن ولاردىڭ اراسىندا سوت داۋى باستالدى.
ب ت ا بانك، الماتى اكىمدىگى جانە ادىلەت مينيسترلىگى ىسكە ارالاستى جانە 21 ميلليون ا ق ش دوللار قاراجاتتاردىڭ تابىستاۋىن وقشاۋلاندىردى. قازىرگى كەزدە ا ق ش- تىڭ نيۋ-يورك شتاتىنىڭ سوتىندا جانە فەدەرالدى سوتىندا وقشاۋلاندىرىلعان اقشا قاراجاتتارىن قايتارۋ بويىنشا جۇمىس جۇرگىزىلۋدە، دەپ حابارلادى قازاقستان رەسپۋبليكاسى ادىلەت مينيسترلىگىنىڭ باسپا ءسوز قىزمەتى.
