قوستاناي وبلىسىنىڭ سۋريكوۆكا اۋىلىندا 20 ءۇي سۋ استىندا قالىپ وتىر - فوتو
بۇل جايىندا ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ ءمالىم ەتتى.
ونىڭ اتاپ وتۋىنشە، اتالعان ەلدى مەكەندى قىزىل سۋ باسۋىنا بايلانىستى توتەنشە جاعدايلاردى جويۋعا باعىتتالعان جۇمىستار جالعاسۋدا.
بۇعان دەيىن حابارلانعانداي، سۋدىڭ الدىن بوگەۋ ءۇشىن ۇزىندىعى 2 شاقىرىم، ەنى 1,5 مەترلىك ءجان بيىكتى 2-دەن 2,5 مەترگە دەيىن جەتەتىن بوگەت سالىنعان بولاتىن. بۇل اۋىلعا كەلەتىن سۋدى بوگەۋگە ءوز سەپتىگىن تيگىزدى.
ەلدى مەكەننەن سۋدى شىعارۋ ءۇشىن ارنايى سورعىلار قولدانىلدى. بۇگىنگى كۇنگى دەرەكتەرگە سايكەس، سورعىمەن 1250 تەكشە مەتر سۋ شىعارىلعان. اۋىل ىشىنەن ۇزىندىعى 600، ەنى 4 مەتر تەرەڭدىگى 5-تەن 6 مەترگە دەيىن جەتەتىن ارىق قازىلدى.
توتەنشە جاعداي سالدارىن جويۋعا 23 تەحنيكا مەن قۇتقارۋ بولىمشەلەرىنىڭ، جەرگىلىكتى اتقارۋشى ورگانداردىڭ جانە باسقا دا ۇيىمداردىڭ 64 مامانى جۇمىلدىرىلۋدا. قازىرگى ۋاقىتتا 25 اۋلا، ونىڭ ىشىندە 20 ءۇي سۋ استىندا قالىپ وتىر.
ايتا كەتەرلىگى، 55 ادام ءقاۋىپسىز جەرگە كوشىرىلدى. قاۋىپسىز جەرگە كوشىرىلگەندەردىڭ باسىم بولىگى تۋىسقاندارىنىڭ ۇيلەرىنە ورنالاستىرىلدى. قالعاندارى اۋىل مەكتەبىنە قونىستاندى. 152 مىڭ باس ءىرى قارا، 2 ۇساق مال، 135 شوشقا جانە 4 ات ءقاۋىپسىز جەرگە شىعارىلدى.
