10:31, 10 - ءساۋىر 2016 | GMT +5
ورمان ورتەپ ءوزىن سەلفي- ۆيدەوعا تۇسىرگەن امەريكالىق 20 جىلعا سوتتالدى
استانا. قازاقپارات - امەريكالىق ۋەين اللەن حانسمەن كاليفورنيا ورمانىن ورتەگەنى ءۇشىن 20 جىلعا سوتتالدى، وعان 60 ميلليون دوللار ايىپپۇل سالىندى. بۇل تۋرالى رەسەيلىك ر ب ك اگەنتتىگى حابارلادى.
سوتتا قىلمىسقا ايعاق رەتىندە ونىڭ ءوزى ءورت قويعان كەزدە ءتۇسىرىپ العان ۆيدەو- سەلفيى كەلتىرىلگەن.
2014 -جىلى جازدا كاليفورنيانىڭ ەل- دورادو ماڭىنداعى ورمان ءورتى كەزىندە 100 مىڭ ك ا ر جەردەگى اعاشتار وتقا ورانىپ، ءجۇز مىڭداعان ادام ەۆاكۋاتسيالانعان. الاپات وتتى سوندىرۋگە 27 كۇن كەتكەن.
ەر ادام ۇزاق ۋاقىت قىلمىسىن مويىنداماي كەلسە دە 8 - ساۋىردە سوتتا ىسكە قاتىسى بار ەكەندىگىن مالىمدەگەن.
