11:03, 23 - ناۋرىز 2016 | GMT +5
الماتىداعى 20 مىڭ ادام قاتىسقان ناۋرىز مەرەكەسىن اۋەدەن تاماشالايىق - كەسكىن
استانا. قازاقپارات - الماتى قالاسىنداعى ناۋرىز مەرەكەسىن تويلاۋ شاراسىنىڭ اۋەدەن درون كومەگىمەن تۇسىرىلگەن اسەرلى ۆيدەوسىن تاماشالاڭىزدار. ۆيدەو يۋتۋب ۆيدەوحوستينگىندەگى الماتى قالاسىنىڭ مادەنيەت باسقارماسىنىڭ اككاۋنتىندا جاريالانعان.
الماتىلىقتار ۇلىستىڭ ۇلى كۇنىن ەلىمىزدىڭ تاۋەلسىزدىگىنە 25 جىل تولۋىنا ءارى الماتىنىڭ 1000 جىلدىعى تاقىرىبىمەن اتاپ ءوتتى.
قالاداعى استانا الاڭىنا 20 مىڭ ادام جينالعان. كەلۋشىلەرگە ارنالىپ ناۋرىز تەاترلاندىرىلعان قويىلىمى، ۇلتتىق بۇيىمدار كورمەسى جايىلىپ، كيىز ۇيلەر تىگىلگەن. كوشەدە قازاقتىڭ ۇلتتىق ەرتەگىلەرى كەيىپكەرلەرىنىڭ قۋىرشاق بەينەلەرى ءجۇر. سونداي- اق، قازاق مەملەكەتتىك مۋزەيى الماتى قالاشىعىنان تابىلعان تاريحي جادىگەرلەردى كورمەگە قويدى. 
