توعىز جىلدا شامامەن شەت ەلگە 20 ميلليارد دوللار شىعارىلدى - ب. سۇلتانوۆ
بۇل تۋرالى بۇگىن زاڭداستىرۋ ناۋقانى ماسەلەسىنە ارنالعان ۇكىمەت وتىرىسىندا ق ر قارجى ءمينيسترى باقىت سۇلتانوۆ ءمالىم ەتتى.
«ارينە، شەت ەلدە اقشا كولەمى قانداي دەڭگەيدە دەگەن سۇراق تۋىندايدى. تولەم بالانسىنىڭ دەرەكتەرى بويىنشا 2007-جىلدان باستاپ (سوڭعى زاڭداستىرۋ ساتىنەن باستاپ) 9 جىل ىشىندە «قاتەلەر جانە وتكىزۋلەر» بابى بويىنشا شامامەن 20 ميلليارد دوللار سوماسى شىعارىلعان.
بۇل - جاناما كورسەتكىش، الايدا ول ستاتيستيكا بويىنشا جالعىز مالىمەت بولىپ وتىر. اتاپ ايتقاندا، شەت ەلدەردەگى زاڭداستىراتىن اقشا رەزەرۆتەرى بار ەكەنىنە سەنىمدىمىن. سونىمەن قاتار، كىرىستەردى زاڭداستىرۋ - كاپيتالدىڭ اۆتوماتتى تۇردە قايتارىلادى دەگەندى بىلدىرمەيدى. شەت ەلدە اقشا بەلگىلى ءبىر جوبالارعا سالىنعان. سول سەبەپتەن، بىزدە ءتيىمدى ينۆەستيتسيا سالۋعا جاعداي جاساۋ قاجەت»، - دەپ توقتالدى مينيستر.
ب. سۇلتانوۆ شەتتەگى ۇلكەن قاراجات اۋقىمدى جوبالاردا شوعىرلانعانىن ايتا كەلە: «بۇگىنگى كۇنى قازاقستاندا ينۆەستيتسيالاۋعا پايدالى باعىت - ول جەكەشەلەندىرۋ وبەكتىلەرى، ءبىرىنشى كەزەكتە توپ-65. سول سەبەپتەن جەكەشەلەندىرۋ بويىنشا جوبالاۋ وفيس جۇمىسى شەڭبەرىندە ءبىز مىندەتتى تۇردە حالىقارالىق كەڭەسشىلەر ءۇشىن شارالار مەن تەحنيكالىق ماقساتتار بويىنشا جوسپارعا تۇزەتۋلەر ەنگىزەمىز»، - دەدى.
اۆتور: رۋسلان عابباسوۆ
