قاراعاندى وبلىسىندا قۇتقارۋشىلار قار قۇرساۋىنان جۇزدەگەن كولىكتى، 20 اۆتوبۋستى قاۋىپسىز جەرگە شىعاردى - فوتو

قاراعاندى. قازاقپارات - قاراعاندى وبلىسىندا قاتتى بوران سالدارىنان قۇتقارۋ قىزمەتىنە تاۋلىك ىشىندە كومەك سۇراعان 500 دەن استام قوڭىراۋ تۇسكەن، دەپ حابارلادى ءوڭىردىڭ ت ج د باسپا ءسوز قىزمەتى.

«2015-جىلعى 23-24- جەلتوقسان ارالىعىندا «112» جەلىسىنە 5000 داي قوڭىراۋ ءتۇستى. اۋا رايىنىڭ ناشارلاۋىنا بايلانىستى وبلىس جولدارىندا جاعداي كۇردەلەنە ءتۇستى. شەت،  ۇلىتاۋ، اقتوعاي، بۇقار جىراۋ، جاڭاارقا اۋداندارىندا اۆاريالىق-قۇتقارۋ جۇمىستارىن جۇرگىزۋگە ق و ءى ءى م ت ج ك كۇشتەرى مەن قۇرالدارى جۇمىلدىرىلدى.

قار قۇرساۋىنان بارلىعى 150 جەڭىل، 30 جۇك كولىكتەرى، 20 اۆتوبۋس شىعارىلدى. زارداپ شەككەندەر جوق ەكەنى اتاپ وتىلەدى.

شەت اۋدانىندا الماتى-ەكاتەرينبۋرگ اۆتوجولىندا 26 جولاۋشىمەن اۆتوبۋس قارعا باتىپ قالدى.

وبلىس ورتالىعىندا دا وسى ءتارىزدى قۇتقارۋ وپەراتسيالارى جۇرگىزىلدى.