تۇركىمەنستان بەيتاراپتىعىنىڭ 20 جىلدىعىن اتاپ ءوتتى
دەپ حابارلادى تومەنگى پالاتانىڭ باسپا ءسوز قىزمەتى.
ماڭىزى ەرەكشە جيىنعا مەملەكەت باسشىلارى، ۇكىمەتتەر مەن پارلامەنتتەر جەتەكشىلەرى، سونداي- اق، 80 نەن استام حالىقارالىق ۇيىمدار وكىلدەرى جينالىپ، قاۋىپسىزدىك پەن دامۋدى، بەيبىتشىلىكتى ساقتاۋدىڭ ماڭىزدىلىعى توڭىرەگىندەگى وي- پىكىرلەرىن ورتاعا سالدى.
كونفەرەنسيادا ءسوز العان ءماجىلىس ءتوراعاسى تۇركىمەن پرەزيدەنتىنە ەلباسى نۇرسۇلتان نازاربايەۆ جولداعان قۇتتىقتاۋ حاتتى وقىدى. وندا:
«ايماقتاعى تۇراقتىلىق پەن قاۋىپسىزدىكتىڭ ماڭىزدى فاكتورىنا اينالعان تۇركىمەنستاننىڭ تۇراقتى بەيتاراپتىق مارتەبەسى حالىقارالىق قاۋىمداستىقپەن وتە جوعارى باعالاندى. قازاقستاندا باۋىرلاس تۇركىمەن ەلىمەن ءوزارا ءتيىمدى قارىم- قاتىناستى دامىتۋعا ايرىقشا كوڭىل بولىنەدى. ءبىزدىڭ ەلدەرىمىز اراسىندا كوپ عاسىرلىق تاتۋ كورشىلىككە نەگىزدەلگەن جان- جاقتى بايلانىس تابىستى دامىپ كەلەدى. وتكەن جىلدار ىشىندە قول جەتكىزىلگەن جوعارى دەڭگەيدەگى تۇسىنىستىك پەن ارىپتەستىك جاڭا بەلەستەرگە جول اشادى»، - دەلىنگەن. ودان ءارى ەلباسى تۇركىمەن حالقىنا ءال- اۋقات پەن گۇلدەنۋ تىلەي كەلىپ، قازاقستان مەن تۇركىمەنستان اراسىنداعى سەنىم جانە دوستىق قاتىناس الداعى ۋاقىتتا قوس مەملەكەتتىڭ يگىلىگى جولىندا دامي بەرەتىنىنە سەنىم ءبىلدىردى.
تۇركىمەنستان پرەزيدەنتى گۋربانگۋلى بەردىمۋحامەدوۆ قازاقستان پرەزيدەنتىنىڭ ىزگى تىلەگى ءۇشىن العىسىن جەتكىزە كەلىپ، قازاقستاندىق- تۇركىمەندىك ءتيىمدى ساياسي، ەكونوميكالىق، مادەني- گۋمانيتارلىق قاتىناستار، ەنەرگەتيكالىق جانە كولىكتىك جوبالارعا بىرلەسە قاتىسۋ، ءوزارا عانا ەمەس، حالىقارالىق دەڭگەيدە دە قولداۋ تاۋىپ وتىرعاندىعىن اتاپ ءوتتى. اتالعان ەل باسشىسىنىڭ پىكىرىنشە، قوس تۋىسقان ەل بىرلەسكەن زور الەۋەتكە يە بولا وتىرىپ، وزدەرىنىڭ ىنتىماقتاستىعىن كەمەل كەلەشەككە باعىتتاۋدا.
2015 - جىل تۇركىمەنستاندا 20 جىلدىق مەرەيتويعا بايلانىستى بەيتاراپتىق جانە بەيبىتشىلىك جىلى بولىپ جاريالاندى. ب ۇ ۇ باس اسسامبلەياسىنىڭ قارارىنا سايكەس، حالىقارالىق قاۋىمداستىقتىڭ اتالعان ەلدىڭ تۇراقتى بەيتاراپتىق قۇقىقتىق مارتەبەسىن مويىنداۋىنا قاتىستى قۇجات 1995 - جىلى 12 - جەلتوقساندا قابىلدانعان.
تۇركىمەنستاننىڭ بەيتاراپتىق ۇلگىسى بەيبىتشىلىكتى ءسۇيۋ، باسقا مەملەكەتتەردىڭ ىسىنە ارالاسپاۋ، ولاردىڭ ەگەمەندىگى مەن اۋماقتىق تۇتاستىعىن سىيلاۋ، حالىقارالىق اسكەري كەلىسىم- شارتتار مەن اسكەري ۇيىمدارعا قاتىسپاۋ ۇستانىمدارىنا نەگىزدەلگەن. 
