توعىز جاسار قىزعا قىرىنداعان الماتىلىق 20 جىلعا سوتتالدى
تەرگەۋ ماتەريالىندا كورسەتىلگەندەي، 2015-جىلى 23- ماۋسىمدا ن. ەسىمدى ەر ادام ماس كۇيدە 9 جاسار قىز بالانى الداپ، بەيىت اۋماعىنا الىپ كەلگەن. جابىرلەنۋشىنىڭ دارمەنسىز كۇيىن پايدالانىپ، كۇش قولدانا وتىرىپ، سەكسۋالدىق سيپاتتاعى وزگە دە ارەكەتتەر جاساعان.
دەگەنمەن، سوتتالۋشى ماس كۇيىندە بولعاندىقتان، قىلمىستى اقىرىنا دەيىن جەتكىزبەگەن. كەيىن قىلمىسكەر جابىرلەنۋشىنىڭ التىن سىرعاسىن جۇلىپ الىپ، بوس قۇمىرامەن قىزدىڭ باسىنان بىرنەشە رەت ۇرعان.
الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى سوتتالۋشىنى ق ر ق ك 24-بابى 3-بولىگى، 120-بابى 4-بولىگى، 121-بابى 4-بولىگى، 192-بابى 1-بولىگى، 106-بابى 2-بولىگى 11) تارماعىمەن كىنالى دەپ تاۋىپ، 20 جىل مەرزىمگە باس بوستاندىعىنان ايىرۋ جازاسىن تاعايىندادى.
سونداي-اق، سوتتالۋشىنىڭ مۇلكى تاركىلەنىپ، ءبىلىم بەرۋ جانە تاربيەلەۋ قىزمەتىمەن اينالىسۋ قۇقىعىنان ءومىر بويىنا ايىرىلدى.
اۆتور: گۇلميرا عوسمانالي
