انتاليادا 20 ەلدىڭ باسشىسى پاريجدەگى وقيعاعا باسا نازار اۋداردى
بيىك مىنبەگە شىققاندار تەرروريزم تاقىرىبىن اينالىپ وتكەن جوق. اركىمنىڭ ءبىر پىكىرى بولعانى انىق. مىسالى، تۇركيا پرەزيدەنتى رەدجەپ تايىپ ەردوعان: «بۇل كادىمگى زۇلمات»، - دەپ باعا بەرىپ، كۇرەستى كۇشەيتۋگە شاقىردى.
امەريكا پرەزيدەنتى باراك وباما تەرروريزممەن كۇرەستىڭ ارتقانىن العا تارتىپ، ەندىگى اتقارىلار شارۋانى پىسىقتاۋعا شاقىردى. رەسەي پرەزيدەنتى ۆلاديمير پۋتين لاڭكەستەرگە جۇمىلا تويتارىس بەرۋ ءجون دەگەندى ايتتى. ال فرانسيانىڭ سىرتقى ىستەر ءمينيسترى لوران فابيۋس حالىقارالىق تەرروريزمدى قارجىلاندىرۋدىڭ بەلەڭ الىپ تۇرعانىن، سولاردى تىزگىندەۋ كەرەكتىگىن جەتكىزدى.
لوران فابيۋس، فرانسيانىڭ سىرتقى ىستەر ءمينيسترى - بولعان قايعىلى جاعداي وزگە ەلدەردە دە قايتالانۋى ابدەن مۇمكىن. سامميتكە جيىلعان كوشباسشىلار وسىنى تۇسىنەدى. 132 ادامنىڭ ءومىرىن جالماعان لاڭكەستىك ارەكەتتەن كەيىن بىرنەشە ەلدىڭ باسشىلارى فرانسياعا ارنايى كەلدى. ولار ءوز ارەكەتتەرىنىڭ ماڭىزىن جاقسى بىلەدى. بۇل بارلىعىمىزدىڭ لاڭكەستەردەن قورىقپايتىندىعىمىزدى كورسەتتى.
ۇلكەن جيىرمالىققا مۇشە ەلدەر ءوز شەكارالارى مەن اۋە تاسىمالىنا قاتىستى باقىلاۋدى كۇشەيتپەك. القالى جيىننىڭ ءبىرىنشى كۇنىندە وسىنداي شەشىم قابىلداندى. 20 ەلدى بىرىكتىرگەن باسقوسۋدىڭ نەگىزگى تالقىلايتىن ماسەلەلەرى ەكونوميكاعا بايلانىستى بولعانىمەن، سامميتتە پاريجدەگى تەراكتتارعا باسا نازار اۋدارىلعان. وسى رەتتە گەرمانيا كانسلەرى انگەلا مەركەل ءوز پىكىرىن ورتاعا سالدى.
انگەلا مەركەل، گەرمانيا كانتسلەرى - ءبىز تەرروريزمنەن كۇشتىمىز. قاسىرەتتى اپاتقا جاۋاپتىلار ءوز جازاسىن الۋى قاجەت. بۇل بىرىنشىدەن، قازا بولعاندار مەن ولاردىڭ جاقىندارى ءۇشىن جاسالۋعا مىندەتتى قادام. سونداي- اق بۇل ءوزىمىزدىڭ قاۋىپسىزدىگىمىز ءۇشىن دە ماڭىزدى. ۇلكەن
