استانالىق 20 بويجەتكەن «استانا ارۋى» بايقاۋىنىڭ فينالىنا ءوتتى - فوتو
«استانا- ارۋى-2015» بايقاۋىنىڭ باس جۇلدەسى مەن ءۇش ورنىن يەلەنگەن قىزدار «قازاقستان ارۋى» جارىسىنا جولداما الادى.
ايتا كەتەرلىگى، 2008 -جىلدان بەرى ەلوردانىڭ سۇلۋىن تاڭدايتىن جارىس سيرك عيماراتىندا، ءارتۇرلى ساۋدا ورىندارى مەن قوناق ۇيلەردە وتكىزىلىپ ءجۇردى. بيىل قالا اكىمدىگىنىڭ قولداۋىمەن سۇلۋلىق جارىسى كونگرەسس- حولل ساحناسىندا وتەدى. ادەمى شوۋ ۇيىمداستىرۋ ءۇشىن بەلگىلى قويۋشى رەجيسسەر سۆەتلانا گرابوۆسكايانى شاقىردىق»، - دەيدى وسى بايقاۋعا وراي وتكەن باسپا ءسوز ءماسليحاتىندا «استانا ارۋى» كونكۋرسىنىڭ ديرەكتورى ولگا رادەش.
ال قويۋشى رەجيسسەر سۆەتلانا گرابوۆسكايانىڭ ايتۋىنشا، ول قىزداردى ءتورت نەگىزگى كەزەڭ بويىنشا ساحناعا دايىنداپ جاتىر. «قىزدار كونكۋرس ەرەجەسىنە ساي، ءتورت كەزەڭ بويىنشا ساحناعا شىعادى. الدىمەن وزدەرىن تانىستىرادى، ەكىنشى كەزەڭدە ۇلتتىق اشەكەيلەردى تاعىپ شىعادى. ءۇشىنشى كەزەڭدى ازىرگە قۇپيا ساقتاۋدى ءجون كورىپ وتىرمىن. ءتورتىنشى كەزەڭدە قىزدارىمىز ادەمى كەشكى ءسان كويلەكتەرىن كورسەتەدى»، - دەيدى قويۋشى رەجيسسەر.
جالپى، بيىل «استانا ارۋى» كونكۋرسىنىڭ كاستينگىنە 200 بويجەتكەن قاتىسقان. سونىڭ ىشىنەن ىرىكتەلگەن 20 بويجەتكەن كۇنىنە 7-8 ساعاتتان، ءۇش اپتا بويى تىنىمسىز دايىندالىپ جاتىر ەكەن.
