قازاقستان ەكونوميكاداعى ەڭبەك ونىمدىلىگىنىڭ ءوسىمى بويىنشا ت و پ-20 ەلدەر قاتارىنا ەندى

استانا. قازاقپارات - قازاقستان ەكونوميكاداعى ەڭبەك ونىمدىلىگى بويىنشا ت و پ-50 ەلدەرىنىڭ، ال ونىڭ ءوسىمى بويىنشا ت و پ-20 ەلدەرىنىڭ قاتارىنا قوسىلدى، ءسويتىپ جەتەكشى ە ى د ۇ (ەكونوميكالىق ىنتىماقتاستىق جانە دامۋ ۇيىمى) ەلدەرىنىڭ وڭدەۋ ونەركاسىبىندەگى ەڭبەك ونىمدىلىگى جونىندەگى الشاقتىقتى %14 عا قىسقارتتى، دەپ حابارلانعان ق ر ينۆەستيتسيالار جانە دامۋ مينيسترلىگىنىڭ سايتىندا.

يندۋستريالاندىرۋدىڭ ءبىرىنشى بەسجىلدىعى باعدارلامالارىن (ۇ ي ي د م ب) جۇزەگە اسىرۋ ۇلتتىق ەكونوميكانىڭ قۇرىلىمدىق قايتا قۇرىلۋىنا تۇرتكى بولدى. مەملەكەتتىك باعدارلاما وڭدەۋ سەكتورىن ىنتالاندىرۋدى كوزدەيدى. نەگىزگى كۇش جالپى جۇيەلىك قولداۋ شارالارىنا باعىتتالادى، باسەكەلەستىككە ىقپال ەتۋدى بۇرمالايتىن شارالاردان ءبىرجولا باس تارتىپ، ەڭبەك ونىمدىلىگىن ىنتالاندىرۋعا، شىعىنداردى ازايتۋعا جانە ادام كاپيتالىن دامىتۋعا كوشۋ جوسپارلانۋدا.

ءۇ ي ي د مەملەكەتتىك باعدارلاماسىن جۇزەگە اسىرۋدىڭ بازالىق قۇرالدارىنىڭ ءبىرى «ونىمدىلىك-2020» باعدارلاماسى بولىپ تابىلادى. ونى جۇزەگە اسىرۋدىڭ ءبىرىنشى كەزەڭىندە (2011-2014 ج.ج.) 140 كاسىپكەرلىك سۋبەكتىسىنە جالپى سوماسى 27,5 ميلليارد تەڭگە شىعىندارى قايتارىلدى. ەكىنشى كەزەڭ باستالعاننان بەرى 8 كاسىپورىن ەنەرگواۋديت وتكىزۋ، كادرلاردى وقىتۋ، شەتەلدىك مامانداردى تارتۋ جانە ت. ب. جۇمساعان ءوز شىعىندارىن قايتارىپ الدى. 10 وڭىردەگى 49 كاسىپكەرلىك سۋبەكتىسى قولداۋ قۇرالدارىن الۋ ماقساتىندا ۇسىنىمدار ازىرلەۋدە نەمەسە ەنگىزىپ قويدى.

قازىرگى ۋاقىتتا ق ر ي د م «كيري» ا ق- مەن بىرلەسە وتىرىپ، باعدارلامانى جاڭا قولداۋ قۇرالدارىمەن جانە ولاردى ۇسىنۋ ۇدەرىسىن ودان ءارى جەڭىلدەتۋ جونىندەگى تولىقتىرۋ تۋرالى شارالار پاكەتىن ازىرلەۋدە.