16:08, 30 - قازان 2015 | GMT +5
رەسەيدە ادام ولتىرگەن قىلمىسكەر 20 جىلدان سوڭ بەلورۋسسيادا ۇستالدى
استانا. قازاقپارات - بەلارۋس قۇقىق قورعاۋ ورگاندارى رەسەي فەدەراتسياسى اۋماعىندا 20 جىل بۇرىن كىسى ولتىرگەنى ءۇشىن حالىقارالىق ىزدەستىرۋدە بولعان رەسەيلىكتى ۇستادى.
بۇل تۋرالى بەلارۋس ءىىم حابارلادى.
بەلارۋس ميليتسياسىنىڭ دەرەكتەرىنە سۇيەنسەك، قىلمىسكەردى ىزدەستىرۋ شاراسى 1995 -جىلعى قاراشادان بەرى جۇرگىزىلگەن. ول ريازان وبلىسى ەرميش كەنتىندە ماس كۇيىندە جەرگىلىكتى تۇرعىندى پىشاقتاپ ولتىرگەن. وسى جىلعى قازاندا بەلارۋس م ۆ د- عا اسا قاۋىپتى قىلمىسكەر رەسپۋبليكا اۋماعىندا بولۋى مۇمكىن دەگەن جەدەل اقپارات كەلىپ تۇسەدى.
«بەلارۋس قىلمىستىق ىزدەستىرۋ قىزمەتكەرلەرى كۇدىكتى موگيلەۆسكي اۋدانىندا بوي تاسالاپ جۇرگەنىن انىقتادى. جەدەل ىزدەستىرۋ شارالارى ناتيجەسىندە قىلمىسكەر موگيلەۆتە تۇتقىنعا الىندى»، - دەپ اتاپ وتەدى مينيسترلىكتە.
