كۇن سايىن 20 مينۋت سەرۋەندەۋ ادام ءومىرىن جەتى جىلعا ۇزارتادى
سااربريۋكەن ساارلاندسك ۋنيۆەرسيتەتىنىڭ (گەرمانيا) زەرتتەۋشىلەرى التى اي ىشىندە بۇرىن سپورتپەن اينالىسپاعان، تەمەكى شەكپەگەن 30-60 جاس ارالىعىنداعى 69 ادامنان قۇرىلعان توپتى باقىلادى. ەكسپەريمەنت كەزىندە سىناقتان وتۋشىلەر تۇراقتى تۇردە ءتۇرلى جاتتىعۋلار ورىنداپ، قان تالداۋىن تاپسىردى، دەپ حابارلادى "ۆوكرۋگ سۆەتا".
الىنعان ناتيجەلەرگە سايكەس، جاتتىعۋلار زەرتتەۋ قاتىسۋشىلارىنىڭ قارتايۋ ءۇردىسىن باسەڭدەتكەن.
«جاتتىعۋ كومەگىمەن ءوز جاسىنان ءبىرشاما جاس كورىنۋ مۇمكىندىگى ارتىپ، دەنساۋلىق جاقسارادى، ءارى 3-7 -جىلعا دەيىن ءومىر ۇزارادى»، - دەپ اتاپ ءوتتى لوندوندىق كيەلى گەورگ ۋنيۆەرسيتەتىنىڭ كورديولوگيا پروفەسسورى سانجاي شارما. دارىگەردىڭ ايتۋىنشا، سپورت ءتىپتى كارىلىكتەگى اقىل كەمدىكتىڭ دامۋىنىڭ الدىن الادى.
جاتتىعۋ جاساۋعا داعدىلانۋ ەش ۋاقىتتا كەش ەمەس. 50-60 جاستا قالىپتى جۇكتەمەمەن جۇرەك تالماسىنان ءولىم- ءجىتىم قاۋپىن 50 پايىزعا تومەندەتۋگە بولادى. ءتىپتى 70 جاستا جاتتىعۋ جاساساڭىز، جۇرەك اۋرۋىنىڭ دامۋى 10 پايىزعا تومەندەيتىن بولادى دەگەن سەنىمدە عالىمدار.
ساراپشىلار جۇرەك پەن قان تامىرلارىن ساۋ ۇستاۋ ءۇشىن كۇنىنە 20 مينۋت جاياۋ جۇرۋگە نەمەسە جۇگىرۋگە كەڭەس بەرەدى. سونىمەن قاتار تەمەكىدەن باس تارتۋ قاجەت.