س. كۋلاگين: كونستيتۋتسيا 20 جىلدىڭ ىشىندە بارلىق زاڭداردىڭ مازمۇنى مەن ماعىناسىن انىقتاعان قۇقىقتىق جۇيەنىڭ وشاعىنا اينالدى

 استانا. قازاقپارات - اقمولا وبلىسىنىڭ اكىمى سەرگەي كۋلاگين ءوڭىر تۇرعىندارىن قازاقستان رەسپۋبليكاسى كونستيتۋتسياسىنىڭ 20 جىلدىق مەرەيلى مەرەكەسىمەن قۇتتتىقتادى.
None
None

 قۇتتىقتاۋ ماتىنىندە:

«قۇرمەتتى اقمولالىقتار!

مەملەكەتىمىزدىڭ ەڭ ۇلىق تا، قاستەرلى مەرەكەلەرىنىڭ ءبىرى - قازاقستان رەسپۋبليكاسى كونستيتۋتسياسى كۇنىنە ارنالعان شىنايى قۇتتىقتاۋىمىزدى قابىل الىڭىزدار. بيىلعى جىل ءبىز اتا زاڭىمىزدىڭ 20 جىلدىعىن ماقتانىشپەن اتاپ وتەمىز.

 تاۋەلسىز ەلىمىزدىڭ نەگىزگى زاڭىندا ادام جانە ونىڭ ءومىرى، قۇقىعى مەن ەركىندىگى ەڭ باستى قۇندىلىقتار رەتىندە قاراستىرىلادى. بۇل ازات ەلدىڭ تۇعىرىن بيىكتەتكەن، بولاشاعىن ايشىقتاعان اسقاق ارناسى ىسپەتتەس. وسى جىلدار ىشىندە اتا زاڭىمىز ۋاقىتتىڭ اعىنىمەن العا جىلجىپ، ءوزىنىڭ ومىرشەڭ ەكەندىگىن ايعاقتاۋمەن كەلەدى. ەگەر كونستيتۋتسيامىزدىڭ باستى ەرەجە- تالاپتارىنا سۇيەنسەك، وندا ەلدىڭ جاڭا زامانمەن توعىسىپ، جاڭعىرۋى، نارىقتىق ەكونوميكانىڭ ىرگەسىن قالاۋ جانە دەموكراتيالىق قوعامنىڭ نەگىزدەرىن قالىپتاستىرۋ سياقتى قۇندى دا ماڭىزدى ارنالار كورىنىس تابادى. قازاقستان حالىقارالىق ارەنادا بەيبىتسۇيگىش ەل رەتىندە تانىلىپ، الەمدىك ەكونوميكالىق جۇيەدە دە ءوزىنىڭ لايىقتى ورنىن الدى.

اتا زاڭىمىز وسى جىلدار ىشىندە بارلىق زاڭداردىڭ مازمۇنى مەن ماعىناسىن انىقتاعان قۇقىقتىق جۇيەنىڭ وشاعىنا اينالدى. جاڭا قازاقستاننىڭ تولىمدى تابىستارىنىڭ جانە ەتنوسارالىق، كونفەسسياارالىق ىنتىماقتىڭ نەگىزگى قۇقىقتىق العىشارتتارىنىڭ كورىنىس تابۋىنا جان- جاقتى ىقپال ەتتى.

 ول ءار ۇلت وكىلىنىڭ تەڭ قۇقىعى مەن بوستاندىعىن، ۇلتى مەن ناسىلىنە قاراماستان ءدىني سەنىمى مەن ساياسي كوزقاراسىنا كەپىلدىك بەرەدى. قازاقستاننىڭ ءاربىر ازاماتى مادەني جانە رۋحاني دامۋ، انا تىلىندە سويلەۋ مەن مەڭگەرۋ، ۇلتتىق قۇندىلىقتاردى ساقتاۋ مەن جاڭعىرتۋعا دەگەن قۇلشىنىستارى ارتىپ، اتا- بابالارىمىزدىڭ سالت- داستۇرلەرىن جاڭاشا سيپاتتا جانداندىرۋعا مۇمكىندىك الدى.

 وسىنىڭ بارلىعى ءبىزدىڭ پرەزيدەنتىمىز، كورەگەن كوشباسشىمىز نۇرسۇلتان ءابىش ۇلى نازاربايەۆتىڭ ساليقالى ساياساتىنىڭ ارقاسىندا جۇزەگە اسىپ وتىر. اتا زاڭىمىز تاريحي ماقساتتاردى جۇزەگە اسىرۋدىڭ جانە الەمنىڭ ەڭ دامىعان 30 ەلىنىڭ قاتارىنا قوسىلۋ ستراتەگياسىنىڭ ورىندالۋىنا مىقتى نەگىز قالايدى.

ءبىز بەن سىزدەر كەلەشەگىمىزگە سەنىممەن قاراپ، مەجەلەگەن جوسپارلارىمىزدى جۇزەگە اسىرۋ ءۇشىن قارىشتى قادام باسىپ كەلەمىز. ول ءبىزدىڭ تاۋەلسىز قازاقستانىمىزدى گۇلدەنگەن، وركەندەگەن ەلگە اينالدىرۋ. حالىقتىڭ ءال- اۋقاتىن جاقسارتىپ، ءوندىرىسىن وركەندەتۋ، الەۋمەتتىك سالانى دامىتىپ، عىلىمى مەن ءبىلىمىن، دەنساۋلىعى مەن مادەنيەتىن وركەنيەت بيىگىنە شىعارۋ بولىپ تابىلادى.

قۇرمەتتى اقمولا وبلىسىنىڭ تۇرعىندارى! سىزدەر تۋعان ەلىمىزدىڭ ودان ءارى دامۋىنا لايىقتى ۇلەس قوسىپ كەلەسىزدەر. سىزدەرگە مىقتى دەنساۋلىق، بەيبىت ءومىر، ىزگىلىكتەر مەن تابىستى ىستەردى شىن جۇرەكتەن تىلەگىم كەلەدى.

 قادىرلى جەرلەستەرىم، كونستيتۋتسيا كۇنى قۇتتى بولسىن!» ، دەپ اتاپ كورسەتىلگەن.  

اۆتور: اسلان وسپانوۆ

 

سوڭعى جاڭالىقتار