قازپوشتا اتا زاڭنىڭ 20 جىلدىعىنا ارنالعان ماركا شىعاردى

استانا. قازاقپارات - «قازپوشتا» ا ق قازاقستان رەسپۋبليكاسى كونستيتۋتسياسىنىڭ 20 جىلدىعىنا ارنالعان ماركانى پوشتالىق اينالىمعا ەنگىزگەنى تۋرالى حابارلادى.
None
None

ماركانى باستىرۋ سالتاناتى كونستيتۋتسيالىق كەڭەس عيماراتىندا ءوتتى. ءىس- شاراعا «قازپوشتا» ا ق باسقارما ءتوراعاسى باعدات مۋسين جانە كونستيتۋتسيالىق كەڭەستىڭ ءتوراعاسى يگور روگوۆ قاتىستى.

 بۇل ماركا «ەستەلىك جانە مەرەيتويلىق داتالار» سەرياسىندا شىعارىلعان. 4 بوياۋلى وفسەتتى باسپا، پەرفوراتسياسى جوتالى. شىعارىلىم ءتۇرى - ماركالى پاراق. پاراقتىڭ ولشەمى 130 х 108 م م. ماركانىڭ ولشەمى 26 х 36 م م. پاراقتا 8 (سەگىز) ماركا بار. پوشتالىق ماركانىڭ نومينالى - «A» ليتەراسى (112 تەڭگە) - زاڭدى تۇلعالارعا ارنالعان قازاقستان رەسپۋبليكاسى اۋماعىندا جەر ءۇستى كولىگىمەن 20 گرامعا دەيىنگى سالماقتا قاراپايىم حات جىبەرۋ تاريفىنە سايكەس كەلەدى. تارالىمى - 5000 دانا.

سۋرەتشى ق. يبرايشين. پوشتالىق ماركا «قازاقستان رەسپۋبليكاسى ۇلتتىق بانكىنىڭ بانكنوت فابريكاسى» رەسپۋبليكالىق مەملەكەتتىك كاسىپورنىندا باسىپ شىعارىلدى.

ايتا كەتەيىك، «قازپوشتا» ا ق - پوشتالىق، قارجىلىق جانە لوگيستيكالىق قىزمەتتەردى ۇسىناتىن قازاقستان رەسپۋبليكاسىنىڭ ۇلتتىق پوشتا وپەراتورى. دۇنيەجۇزىلىك پوچتا وداعىنىڭ مۇشەسى، VISA International جانە MasterCard Worldwide حالىقارالىق تولەم جۇيەلەرىنىڭ پرينسيپتى قاتىسۋشىسى. «سامۇرىق- قازىنا» ا ق كومپانيانىڭ جالعىز اكسيونەرى بولىپ تابىلادى.

سوڭعى جاڭالىقتار