كوكشەتاۋدا پاتەر الىپ بەرەمىن دەپ 20 ادامدى الداعان الاياق ايەل ۇستالدى

بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
پوليتسەيلەردىڭ مالىمەتى بويىنشا كوكشەتاۋ قالالىق ءىىب قىزمەتكەرلەرى 20 دان استام الاياقتىق قىلمىس جاساعان جەرگىلىكتى 1977 -جىلعى ايەلدى قولعا ءتۇسىرىپ، ۇستىنەن قىلمىستىق ءىس قوزعادى.
«كۇدىكتى 2013-2014 -جىلدار ارالىعىندا مەملەكەتتىك باعدارلاما ارقىلى پاتەر الىپ بەرەمىن دەپ، تۇرعىنداردى سەندىرىپ، سىياقى رەتىندە قوماقتى اقشا الىپ وتىرعان. كەيىن ۋاقىت وتە كەلە پاتەردە جوق، اقشا دا جوق، ءتىپتى تەلەفونعا جاۋاپ بەرمەگەن.
قازىرگى كەزدە الاياق ايەلدىڭ 20 دان استام ادامدى وسىلاي سان سوقتىرىپ كەتكەنى بەلگىلى بولىپ وتىر. كۇننەن- كۇنگە كۇدىكتىنىڭ قۇربانى بولعانداردىڭ سانى ارتۋدا. سوڭعى ءبىر تاۋلىكتىڭ وزىندە بارلىعى 3 ميلليون 740 مىڭ تەڭگەگە الدانعان 6 ادام ارىز بەردى.
وسىعان بايلانىستى كۇدىكتىنىڭ ۇستىنەن ق ر ق ك 190 -بابىنىڭ 1 -ءبولىمى بويىنشا قىلمىستىق ءىس قوزعالىپ، سوتقا دەيىنگى تەرگەۋ امالدارى جۇرگىزىلۋدە. قازىرگى كەزدە كۇدىكتى كەپىلمەن بوساتىلدى»، - دەيدى پوليتسەيلەر.
اۆتور: اسلان وسپانوۆ