سوڭعى جىلدارى تۇركيادا ن. نازاربايەۆ تۋرالى 20 دان استام كىتاپ جارىققا شىقتى
سوڭعى جىلدارى ەلدە تۇرىك تىلىندە مەملەكەت باسشىسى تۋرالى 20 دان استام كىتاپ جاريالاندى. سولاردىڭ ىشىندە ەڭ تانىمالدارى «ەۋرازيا جۇرەگىندە»، «تاريح تولقىنىندا»، «سىندارلى ون جىل»، «قازاقستاندىق جول»، «21 -عاسىر تابالدىرىعىندا»، «قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ - الەمدىك دەڭگەيدەگى كوشباسشى»، «ليدەر»، «نۇرسۇلتان نازاربايەۆ - تاۋەلسىزدىك پەن دەموكراتيا جولىندا» جانە ت. ب.
قازاقستان پرەزيدەنتى تۋرالى كوپتەگەن كىتاپتارعا تۇركيانىڭ بەلگىلى ساياسي جانە اكادەميالىق قايراتكەرلەرىنىڭ، سونىڭ ىشىندە تۇرىك ەلىنىڭ 9- پرەزيدەنتى سۇلەيمەن دەميرەل، 11- پرەزيدەنتى ابدۋللا گۇل، ەكس- پرەمەر-ءمينيسترى بيۋلەنت ەدجيەۆيت، پارلامەنتتىڭ ەكس- سپيكەرى كوكسال توپتان، سىرتقى ىستەردىڭ ەكس-ءمينيسترى جانە پارلامەنت سپيكەرى حيكمەت چەتيننىڭ جانە ت. ب. تانىمال ساياسي قايراتكەرلەردىڭ ماقالالارى ەنگىزىلدى.
كىتاپتار تۇركيانىڭ ۇلتتىق جانە اكادەميالىق كىتاپحانالارىنا، ۋنيۆەرسيتەتتەر مەن وقۋ ورىندارىنا تاراتىلدى.
حيكمەت چەتين پرەزيدەنت ن. نازاربايەۆتىڭ تاۋەلسىز قازاقستاننىڭ قۇرىلۋىنداعى ماڭىزدى ءرولىن ايتا كەلە، ەلباسىنىڭ كورىپكەلدىك ساياساتىنىڭ ارقاسىندا قازاقستان از ۋاقىت ىشىندە الەمدەگى جەتەكشى ەلدەردىڭ قاتارىنا ەنىپ، الەمدىك اۋقىمداعى سامميتتەردى، سونىڭ ىشىندە ەقىۇ، اوسشك، يىۇ جانە ت. ب. جيىندارىن جوعارى دارەجەدە ۇيىمداستىراتىنىن اتاپ ءوتتى.
بەلگىلى ساياساتكەر، تۇركيانىڭ بۇرىنعى مادەنيەت ءمينيسترى نامىك كەمال زەيبەك ەكى ەل اراسىنداعى ساياسي، الەۋمەتتىك- ەكونوميكالىق جانە مادەني ىنتىماقتاستىقتىڭ دامۋىن جوعارى باعالادى. ول ن. نازاربايەۆ تۋرالى كىتاپتاردىڭ باسىلۋى باۋىرلاس ەلدەردىڭ دامىپ كەلە جاتقان جاقسى قارىم- قاتىناستارىنا ۇلەس قوسادى دەپ ەسەپتەيدى.
«پرەزيدەنت ن. نازاربايەۆ - ءوز حالقىنىڭ مەملەكەتتىك قايراتكەرى، كورىپكەل ساياساتكەرى جانە مىقتى ليدەرى»، - دەدى ن. زەيبەك.
اكادەميالىق قايراتكەرلەر قازاقستان مەن تۇركيا ىنتىماقتاستىقتىڭ بارلىق سالاسىندا قارىم- قاتىناستارىن جاقسارتاتىنىنا، ال قازاقستان پرەزيدەنتى تۋرالى كىتاپتار ولاردىڭ ارى قاراي دامۋىنا باعىت بەرەتىنىنە سەنىمدەرىن ءبىلدىردى.
