استانادا ەكى ءسابيى بار جاس انا 20 جىلدان بەرى قۇجاتسىز ءجۇر

سالدارىنان، ول قارشاداي كوليا جانە ساشا ەسىمدى سابيلەرىنىڭ دە قۇجاتتارىن راسىمدەي الماي وتىر، دەپ حابارلايدى BNews.kz.

1995 -جىلى ەليزاۆەتا چەرنىشوۆانىڭ اناسى ونى ماكينكا اۋىلىندا بالالار ۇيىنە تاستاپ كەتكەن. سوڭىنان قىزىن اكەسى الىپ كەتىپ، باۋىرىنا باسادى، الايدا ونىڭ قولىندا قىزىن قامقورلىققا الۋىن راستايتىن ەشبىر قۇجات بولماعان. 4 جىل بۇرىن وتباسى وسى ماسەلەنى شەشىپ بەرۋ ءۇشىن ح ق ك و مەن «نۇر وتان» پارتياسىنا جۇگىنىپتى.

ءبىراق، ماسەلە شەشىمىن تاپپاعان. ەكى جىلدان كەيىن ليزانىڭ اكەسى اناتولي چەرنىشوۆ قايتىس بولادى. قازىر اكەسىنەن ايىرىلعان قىزدىڭ اناسىمەن ەش بايلانىسى جوق، ءبىراق تۋعان اپكەسى بار ەكەن. ونىڭ قۇجاتى تۇگەل.

استانالىق تۇرعىنىڭ باسىنا تۇسكەن ماسەلەنى شەشۋدە زاڭ نە دەيتىنىن ءبىلۋ ءۇشىن BNews.kz ءتىلشىسى زاڭگەرگە كەڭەس سۇراي باردى. استانا قالاسى ادۆوكاتتار قاۋىمداستىعىنىڭ مۇشەسى، ادۆوكات ەرجان سيۋبايەۆ بۇل شەشىمى جوق جاعداي ەمەس دەپ وتىر. ءبىراق، بارلىق بيۋروكراتيالىق كەدەرگىلەردى ەڭسەرۋ ءۇشىن ۇلكەن ءتوزىم كەرەك دەيدى. بىرىنشىدەن، ساراپشىنىڭ ايتۋىنشا، بالانىڭ تۋىلعانى تۋرالى اكتى بەرۋ ءۇشىن پەرزەنتحاناعا ءوتىنىش جازۋ كەرەك. ونىڭ اتا-اناسى تۋرالى ناقتى مالىمەتتەر الىپ، ونى زاڭمەن راستاۋ ارقىلى دالەلدى بازا رەتىندە سوتتىق تارتىپتە دە، سوتتان تىس تارتىپتە دە وسى اقپاراتقا سۇيەنۋگە بولادى.

«ەگەر تۋىستارى تۋرالى قاندايدا ءبىر مالىمەت بولسا، ولاردان كۋالاندىراتىن تۇسىنىكتەمە الىپ، ونى نوتاريۋستا راستاۋ كەرەك نەمەسە ول تۋىسى ءوزى سوتتا كۋاگەر بولا الادى. ءىستىڭ ءتۇيىنىن ودان ءارى تارقاتۋ ءۇشىن اناسىنىڭ تىركەلگەن جەرى مەن ول تۋرالى بارلىق مالىمەتتەردى انىقتاپ العان ءجون. ەگەر ونداي اقپارات جوق بولسا، ءتيىستى مالىمەت الۋ ءۇشىن ق ر سىرتقى ىستەر مينيسترلىگىنە سۇراۋ جولدانادى. بارلىق ءتيىستى قۇجاتتار جيناستىرىلعاننان كەيىن، ولاردى قازاقستان رەسپۋبليكاسى ازاماتتىق ءىس جۇرگىزۋ كودەكسىنىڭ 31-بابىندا قاراستىرىلعان تارتىپتە تولتىرىلعان ەرەكشە ارىزبەن بىرگە سوتقا جىبەرۋ كەرەك»، - دەيدى ە. سيۋبايەۆ.

ودان ءارى جيناستىرىلعان تولىق قۇجاتتاردىڭ نەگىزىندە ە. چەرنىشوۆا جەرگىلىكتى تىركەۋ ورگانىنا ءوتىنىش بەرىپ، قۇجاتتار قاراستىرىلىپ بولعان سوڭ، وعان تۋىلعانىن راستايتىن كۋالىك تابىستالادى. وسى قۇجاتتى العاننان كەيىن بەكىتىلگەن ءتارتىپ بويىنشا ليزا قۇجاتتارىن جەكە كۋالىك الۋعا تاپسىرا الادى. سوندا عانا ول ەكى بالاسىنىڭ قۇجاتتارىن تۇگەندەي الادى.

ادۆوكاتتىڭ ايتۋىنشا، زاڭگەرلەردىڭ تاجىريبەسىندە قۇجاتى دەر كەزىندە راسىمدەلمەگەن جاعدايلار از ەمەس. كوپ جاعدايدا، بۇل ماسەلە وڭ شەشىمىن تاباتىن كورىنەدى.