قازاقستاندىق 20 جاسار قىز قىتايدا ءومىر بويىنا باس بوستاندىعىنان ايىرىلدى

الماتى. قازاقپارات - قىتايدا ەسىرتكىمەن ۇستالعان 20 جاسار قازاق قىزى اقجارقىن تۇرلىبايعا قاتىستى سوت ۇكىمى شىقتى. ءبىرىنشى ينستانتسيا ونى ءومىر بويى باس بوستاندىعىنان ايىرۋ تۋرالى شەشىم شىعاردى. بۇل تۋرالى قورعاۋشى سۇڭقار نۇرماعامبەتوۆ حابارلادى.

«ءبىز بۇل شەشىممەن كەلىسپەيمىز. اتالعان سوت ۇكىمىنىڭ ۇستىنەن اپەللياتسيالىق شاعىم تۇسىرەمىز»، - دەدى سۇڭقار نۇرماعامبەتوۆ. ەستەرىڭىزگە سالا كەتەيىك، قىتايعا شىققان العاشقى ساپارىندا 20 جاستاعى قازاقستاندىق بويجەتكەن اقجارقىن تۇرلىباي 3- ناۋرىزدا گۋاڭجوۋ اۋەجايىندا ۇستالعان بولاتىن. ونىڭ سومكەسىنەن قىتاي پوليتسەيلەرى ەسىرتكى تاپتى. قورعاۋشى تاراپ ەسىرتكى زاتتارىن قىتايدا اقجارقىننىڭ سومكەسىنە بىرەۋ سالىپ جىبەرۋى عاجاپ ەمەس، دەيدى.

اۆتور: گۇلميرا عوسمانالي