بەلارۋس پەن قىتاي مەملەكەتتەرىنىڭ باسشىلارى 20 قۇجاتتان تۇراتىن كەلىسىمگە قول قويدى

استانا. قازاقپارات - بەلارۋس پەن قىتاي ءوزارا قارىم-قاتىناستى دامىتپاق. قوس مەملەكەتتىڭ باسشىلارى 20 قۇجاتتان تۇراتىن كەلىسىمگە قول قويدى.

ولاردىڭ اراسىندا ەكى ەل اراسىنداعى دوستىق پەن ىنتىماقتاستىق، سونداي-اق جان-جاقتى ستراتەگيالىق ارىپتەستىكتى دامىتۋ تۋرالى كەلىسىم ەرەكشە اتالىپ ءوتتى.

قۇجاتتاردا ءوزارا ساۋدا-ساتتىقتى ەكى ەسە ۇلعايتۋ، تەحنولوگيالارمەن الماسىپ، عىلىمي-تەحنيكالىق يننوۆاتسيالاردى ارتتىرۋ مۇمكىندىگى قاراستىرىلعان.

بەلارۋس پرەزيدەنتى الەكساندر لۋكاشەنكونىڭ مالىمدەۋىنشە، تۋريزم، ءبىلىم بەرۋ جانە مادەني الماسۋ سالاسىندا كەلىسىم-شارتتار جاساۋ دا جوسپارلانعان.

www.24.kz