قىتايدا نەپالداعى جەر سىلكىنى سالدارىنان 20 ادام وپات بولدى

استانا. قازاقپارات - قىتايدىڭ تيبەت اۆتونوميالىق اۋدانىندا نەپالدا بولعان جەر سىلكىنىسى سالدارىنان قۇربان بولعان ادامدار سانى 20 عا جەتتى.

تاعى 4 ادام ءىز-ءتۇزسىز جوعالىپ كەتكەندەر ساناتىندا، دەپ جازادى ت ا س س.

قىتايلىق ب ا ق- تىڭ حابارلاۋىنشا، كەمىندە تاعى 58 ادام جاراقاتتانعان. شيگادزە قالاسىندا جەر سىلكىنىسىنە بايلانىستى 24,8 مىڭ جەرگىلىكتى تۇرعىن قاۋىپسىز جەرگە كوشىرىلگەن. مۇندا تابيعي اپاتتان ەكى شەكارالىق بەكەت بۇزىلعان.

«شينحۋا» اگەنتتىگىنىڭ حابارلاۋىنشا، شيگادزە وكرۋگىندە 1206 ءۇي بۇزىلىپ، 9974 ۇيگە زاقىم كەلگەن، سونداي-اق جولدار بۇزىلىپ، كوممۋنيكاتسيالار بۇزىلعان.

قازىرگى ساتتە اسكەري، پوليتسيا قىزمەتكەرلەرىنىڭ جانە ءورت سوندىرۋشىلەردىڭ كومەگىمەن قۇتقارۋ جۇمىستارى جۇرگىزىلۋدە.