17:41, 08 - ءساۋىر 2015 | GMT +5
ءۇندىستاندا ساندال اعاشىن شاپقان 20 تۇرعىندى ءتارتىپ ساقشىلارى اتىپ تاستادى
استانا. قازاقپارات - ءۇندىستاننىڭ اندحرا- پرادەش شتاتىندا ساندال اعاشتارىن زاڭسىز وتاعانى ءۇشىن 20 ادامدى جەرگىلىكتى ءتارتىپ ساقشىلارى اتىپ تاستادى. بۇل تۋرالى 24.kz حابارلادى.
وقيعا شتات ورتالىعى حايدارابادتا بولعان.
ءوز ىستەرىنە تۇسىنىكتەمە بەرگەن پوليتسەيلەر زاڭ بۇزۋشىلاردىڭ قارسى شىققانىن ايتتى. «ولار بىزگە قارسى بالتالارىن كوتەرىپ جۇگىردى. ول ازداي، ءبىزدى تاسپەن اتقىلاپ، بىرنەشەۋىمىز جاراقات الدىق. سوڭىندا ولارعا قارسى وق جاۋدىرۋعا ءماجبۇر بولدىق»، - دەيدى شتات پوليتسەيلەرىنىڭ ءبىرى.
ءۇندىستاندا ساندال اعاشىن شابۋعا 2000 -جىلى تىيىم سالىنعان. سەبەبى، سيرەك كەزدەسەتىن اعاش ءتۇرى قىزىل كىتاپقا ەنگىزىلگەن.
