11:15, 05 - ءساۋىر 2015 | GMT +5
يرانعا قارسى سانكسيالاردى الىپ تاستاۋ مۇناي باعاسىن 20 دوللارعا تومەندەتۋى مۇمكىن
استانا. قازاقپارات - ەگەر يرانعا قارسى سانكتسيالار الىپ تاستالسا، ەل مۇنايدىڭ ونسىز دا مول تاۋار نارىعىنا ورالادى. ونىڭ تەز ءوتۋى ەكىتالاي، ءبىراق مۇناي باعالارى قايتا ۇلكەن قىسىمعا الىنادى، دەپ بولجايدى ساراپشىلار. بۇل تۋرالى ر ب ك حابارلايدى.
قازىرگى ۇلگىدەگى ەمبارگو 2012 - جىلى قالىپتاسقان - ەۋرو وداق يراندىق مۇنايدىڭ يمپورتىنا تىيىم سالسا، 1980 - جىلداردىڭ سوڭىندا وزدەرىنىڭ كومپانيالارىنا يران مۇنايىن ساتىپ الۋعا تىيىم سالعان ا ق ش يران مۇنايىن ءۇشىنشى ەلدەردىڭ ساتىپ الۋىن جابۋعا باعىتتالعان سانكتسيالاردى ەكىنشى مارتە ەنگىزگەن.
ەمبارگو بەلگىلەنگەن 2012 - جىلدىڭ ورتاسىنا دەيىن يسلام رەسپۋبليكاسى 21 ەلگە مۇناي جەتكىزگەن ەدى. سانكسيالار جۇمسارتىلعان سوڭ 2013 - جىلدىڭ قاراشا ايىندا التى ەل - قىتاي، ءۇندىستان، جاپونيا، وڭتۇستىك كورەيا، تۇركيا جانە تايۆان يران مۇنايىن ساتىپ الۋ مۇمكىندىگىنە يە بولدى.
