ق ح ا- نىڭ 20 جىلدىعىنا ارنالعان «مەنىڭ قازاقستانىم» پويىزى تايىنشا قالاسىندا - فوتو
پويىزدى قالا حالقى سالتاناتپەن قارسى الىپ، اۋدان اكىمى سەرىك سالتىقوۆ پويىز جولاۋشىلارىنا ىزگى تىلەكتەرىن جەتكىزدى.
«ءبىزدىڭ ەلىمىزدە كوپتەگەن ۇلتتار مەن ۇلت وكىلدەرى تاتۋ-ءتاتتى تۇرىپ، ەڭبەكتەنىپ جاتىر. ولاردىڭ ءبارىن بىرىكتىرەتىن، ءبىر- بىرىنە دەگەن ءدىني سەنىم جانە مادەنيەتكە دەگەن ءوزارا سىيلاستىق قالىپتاستىراتىن ازاماتتىق بەرىك كوزقاراس. بۇل - ءبىزدىڭ باستى قۇندىلىعىمىز.
ەلىمىزدە سالتانات قۇرعان بىرلىكتى ساقتاۋ، ءدىنارالىق كەلىسىم مەن تاتۋلىقتى نىعايتۋ ىسىنە ءوز ۇلەسىمىزدى قوسۋ - ارقايسىمىزدىڭ پارىزىمىز»، - دەپ اتاپ ءوتتى ول.
وسىدان كەيىن جەرگىلىكتى تۇرعىندارعا زاڭدىق جانە الەۋمەتتىك كەڭەستەر بەرىلىپ، دارىگەرلەر ناۋقاستاردى قابىلدادى. سونداي-اق اۋدان ورتالىعىنداعى «نادەجدا» ينتەرنات- ۇيىندە قايىرىمدىلىق شاراسى ۇيىمداستىرىلىپ، اۋدان اكىمى ءبىرقاتار سوعىس جانە تىل ارداگەرلەرىنە «ۇلى جەڭىسكە 70 جىل» مەدالىن تابىس ەتتى.
سونىمەن قاتار، وسى كۇننىڭ قورىتىندىسى رەتىندە تايىنشا قالاسىنىڭ مادەنيەت ۇيىندە قازاقستان ەسترادا جۇلدىزدارىنىڭ قاتىسۋىمەن مادەني شارالار وتكىزىلەدى دەپ كۇتىلۋدە.
اۆتور: ءابۋ-اسقار مەكەش ۇلى
