ءبىر جانۇيانىڭ 20 مۇشەسى مىنگەن كولىك پويىزدىڭ استىنا ءتۇستى

استانا. قازاقپارات - وتكەن سەنبىدە ءۇندىستاننىڭ شىعىسىنداعى بيحار شتاتىندا 20 جولاۋشى مىنگەن كولىك پويىزعا سوقتىعىسىپ، 8 ادام مەرت بولدى، 12 ءسى اۋىر جارالاندى، دەپ حابارلايدى Bnews.kz.

وقيعا پاتنا قالاسىنان 10 شاقىرىم قاشىقتىقتاعى اۋىلداردىڭ بىرىنە جاقىن ماڭداعى تەمىر جول وتكەلىندە بولعان. قاتتى جىلدامدىقپەن كەلە جاتقان پويىز ءبىر جانۇيانىڭ 20 مۇشەسى مىنگەن كولىكتى قاعىپ وتەدى.

كەيىننەن بەلگىلى بولعانىنداي، بۇل جەردە پويىزداردىڭ جۇرۋىنە بىرنەشە ساعاتقا تىيىم سالىنعان بولىپ شىقتى.

ءۇندىستاندا كۇزەتىلمەيتىن تەمىر جول وتكەلدەرىن كۇنىنە بىرنەشە مىڭداعان ادام كەسىپ ءوتىپ، قايعىلى جاعدايلار ءجيى بولىپ جاتادى، دەيدى جەرگىلىكتى بيلىك وكىلدەرى.