ساۋد ارابياسى مۇناي باررەلىنە 20 دوللارعا ارزانداسا دا الاڭدامايدى

استانا. قازاقپارات - ساۋد ارابياسى، مۇناي باررەلى 20 دوللارعا تۇسسە دە، ءمىز باقپايدى. بۇل تۋرالى اتالمىش ەلدىڭ مۇناي ءمينيسترى ءالي ءال نايمي The Financial Times باسىلىمىنا بەرگەن سۇحباتىندا مالىمدەگەن.

ونىڭ ايتۋىنشا، ءوندىرىس كولەمىن شەكتەۋ - و پ ە ك ەلدەرىنىڭ مۇددەسىنە قايشى. «بۇل جەردە باعادان بۇرىن نارىقتاعى ۇلەستى ساقتاپ قالعان ماڭىزدى»، - دەدى. بۇعان اراب تۇبەگى ەلدەرىنىڭ مۇمكىندىگى جەتكىلىكتى. و پ ە ك ەلدەرى ءۇشىن مۇنايدىڭ ءبىر باررەلىن ءوندىرۋ نەبارى 4-5 دوللارعا شىعادى. دەمەك، ساۋد ارابياسى قارا التىن باعاسىنىڭ ەڭ تومەنگى قۇلدىراۋىنا دا توزەدى دەگەن ءسوز.   

 مۇناي ءمينيسترى الداعى ۋاقىتتا شيكىزات باعاسىنىڭ قايتا 100 دوللارعا دەيىن كوتەرىلۋى ەكىتالاي دەدى. ونىڭ ويىنشا، ءوندىرىس تىم قىمباتقا شىعاتىن ەلدەر عانا ءونىم كولەمىن تومەندەتۋى مۇمكىن. سونداي- اق ءال نامي قارا التىن باعاسىن قۇلاتۋ ءۇشىن، «استىرتىن كەلىسىم» جاسالدى دەگەن اڭگىمەنى جوققا شىعاردى. «وعان ەش نەگىز جوق» ، - دەپ سانايدى.

 ايتا كەتەيىك، ساۋد ارابياسى - و پ ە ك قۇرامىنداعى ەڭ ءىرى مۇناي ءوندىرۋشى ەلدەردىڭ ءبىرى. 
   
  ءالي ءال نايمي، ساۋد ارابياسىنىڭ مۇناي ءمينيسترى:  
 مۇناي باعاسى قانشا بولسا دا، و پ ە ك ەلدەرى ءوندىرىس كولەمىن تومەندەتۋدى قولدامايدى. قۇنى مەيلى 20 دوللار، 40 نەمەسە 50 دوللار بولسا دا. ەگەر ءبىز ءوندىرىستى ازايتساق نارىقتاعى ۇلەستەن قاعىلامىز. ول ۇلەس باسقا وندىرۋشىگە اۋىپ كەتەدى. ول امەريكالىق، رەسەيلىك نەمەسە برازيليالىق ءوندىرۋشى بولۋى مۇمكىن.   
«استانا» ارناسى