00:41, 06 - جەلتوقسان 2014 | GMT +6
تالعات تەمەنوۆ «سۋداعى ءىز» دەپ اتالاتىن 20 سەريالى تەلەحيكايا ءتۇسىردى
الماتى. قازاقپارات - «ماحاببات بەكەتى» فيلمىمەن ەلگە تانىلىپ، كەيىن «كوشپەندىلەردى» تۇسىرگەن رەجيسسەر تالعات تەمەنوۆ تاعى ءبىر وتاندىق تۋىندىنى كورەرمەنگە ۇسىنباقشى.
كينو مايتالمانى «سۋداعى ءىز» دەپ اتالاتىن 20 سەريالى تەلەحيكايا ءتۇسىرىپتى. 60 جاسقا تولعان تەمەنوۆتىڭ مەرەيتويىن اتاپ وتۋگە ارنالعان جيىن وسىنداي جاڭالىقپەن اشىلدى.
ۇزەڭگىلەس دوستارى مەن ارىپتەستەرى اتاۋلى شاراعا كەلگەن شاكىرتتەرىنە رەجيسسەردىڭ ەڭبەكتەرى مەن قىسقاشا ءومىر جولى تۋرالى ماعمۇلات بەردى. مادەنيەت ءمينيسترى پرەزيدەنتتىڭ قۇتتىقتاۋىن وقىپ، قازىر استاناداعى قازاق دراما تەاترىن باسقارىپ وتىرعان تالعات تەمەنوۆتىڭ مەرەيىن ۇستەم ەتە ءتۇستى.
