قىتايدا 20 دان استام جۇمىسشى قۇلاعان توننەل ءۇيىندىسى استىندا قالدى

استانا. قازاقپارات - قىتايدىڭ شىعىسىنداعى فۋتسزيان پروۆينتسياسىندا جاڭا جۇردەك كولىك جولىنداعى توننەل وپىرىلىپ قۇلاپ، 20 جۇمىسشى ءۇيىندى استىندا قالدى، دەپ حابارلادى ت ا س س.

قىتايدىڭ ورتالىق تەلەديدارىنان حابارلانعانداي، وقيعا لۋنيان قالاسىنا جاقىن جەردە ورىن الدى. شامامەن 30 مەتر قابىرعا قۇلاعان، قۇتقارۋشىلاردىڭ باعالاۋىنشا، توننەلگە كىرەبەرىس جولدى جاۋىپ تاستاعان ءۇيىندى كولەمى 5 مىڭ تەكشە مەتردى قۇرايدى.

جۇمىسشىلاردى قۇتقارۋ جۇمىستارى جۇرگىزىلۋدە.

ايتا كەتەيىك بۇل تاس جول فۋتسزيانيدەگى سيامەن قالاسى مەن سىچۋان پروۆينتسياسىنىڭ اكىمشىلىك ورتالىعى - چەندۋ قالاسىنىڭ اراسىن جالعاستىرۋى ءتيىس.