جالدامالى باسپانا 20 جىل مەرزىمگە بەرىلەتىن بولادى
بۇل تۋرالى ق ر ۇلتتىق ەكونوميكا ءمينيسترى ەربولات دوسايەۆ ايتتى، - دەپ حابارلايدى Tengrinews.kz ءتىلشىسى.
"مەملەكەت باسشىسى ءوز جولداۋىندا جالعا بەرىلەتىن الەۋمەتتىك باسپانا سالۋ مەن تۇرعىن ءۇي ۇسىنۋدا تۇرعىنداردى قولايلى شارتتارمەن قامتاماسىز ەتۋ مىندەتىن قويدى. بۇل مىندەتتى ورىنداۋ ءۇشىن جالعا بەرىلەتىن تۇرعىن ءۇي حالىققا العاشقى جارناسىز جانە تومەنگى سىياقى مولشەرىمەن 20 جىلعا دەيىنگى مەرزىممەن ۇسىنىلاتىن بولادى، بۇل جالعا الۋدىڭ ايسايىنعى تولەم مولشەرىن ايتارلىقتاي ازايتۋعا مۇمكىندىك بەرەدى"، - دەدى ول الماتىدا پرەزيدەنت جولداۋىن تۇسىندىرە وتىرىپ.
ونىڭ ايتۋىنشا، بۇل باعىتتى ىسكە اسىرۋ ءۇشىن 2020 - جىلعا دەيىن 1,4 ميلليون شارشى مەتردەن استام تۇرعىن ءۇي سالىنادى، ونىڭ ىشىندە، جالعا بەرىلەتىن ۇيلەردىڭ 60 پايىزى اگلومەراتسيالاردا (استانا، الماتى، شىمكەنت، اقتوبە) جانە 40 پايىزى وبلىس ورتالىقتارىندا، شاعىن قالالار مەن اۋىلدىق ەلدى مەكەندەردە بولادى.
"الماتى قالاسىنىڭ ەلدىڭ اناعۇرلىم دامىعان ەكونوميكالىق ورتالىعى ەكەنى جانە ەلدىڭ ءار ايماعىنان وزىنە ەڭبەك ميگرانتتارىن كوپتەپ تارتاتىنى بەلگىلى. وسى فاكتوردى ەسكەرە وتىرىپ، الماتى قالاسىنىڭ وزىندە جالعا بەرىلەتىن باسپانانىڭ قوسىمشا 250 مىڭ شارشى مەترى سالىناتىن بولادى"، - دەدى مينيستر.
"ساتىپ الۋ قۇقىعىمەن جالعا بەرىلەتىن ۇيلەردىڭ 50 پايىزى جاس وتباسىلارعا، 20 پايىزى - بارلىق ساناتقا، 30 پايىزى جەرگىلىكتى اتقارۋشى ورگانداردا كەزەكتە تۇرعاندارعا بەرىلەدى. بۇل مەحانيزمنىڭ اياسىندا جۇمىس بەرۋشىلەرگە تۇڭعىش رەت ءۇي قۇرىلىسىن بىرگە قارجىلاندىرۋعا جانە ءوز جۇمىسشىلارىنا پاتەر بولۋگە مۇمكىندىك بەرىلەتىنىن اتاپ ءوتۋ كەرەك. بۇل بىلىكتى كادرلاردىڭ جىلىستاۋىن ازايتۋعا مۇمكىندىك بەرەدى"، - دەدى دوسايەۆ.
دوسايەۆ ساتىپ الۋ قۇقىعىنسىز جالعا بەرىلەتىن ۇيلەر مەحانيزمى بويىنشا دا حالىققا ءۇي ءبولۋدىڭ سونداي ءتاسىلى قولدانىلاتىنىن ايتتى. ونىڭ ايتۋىنشا، جالعا بەرىلەتىن ۇيلەر قۇرىلىسى ءۇشىن ۇلتتىق قوردان 2020 -جىلعا دەيىن 180 ميلليارد تەڭگە باعىتتالادى.
بۇعان قوسا، جالعا بەرىلەتىن ءۇي قۇرىلىسى باعدارلاماسىنىڭ وپەراتورى - "قازاقستان يپوتەكا كومپانياسى" يپوتەكالىق ۇيىمى" ا ق-عا باسقا كوزدەردەن قوسىمشا قاراجات تارتىلادى.
"2020 -جىلعا دەيىن جالعا بەرىلەتىن باسپاناعا بارلىق قارجى كوزدەرىنەن جالپى 250 ميلليارد تەڭگە باعىتتالاتىن بولادى. ناتيجەسىندە ەل بويىنشا حالىقتىڭ بارلىق ساناتىن باسپانامەن قامتۋ ءۇشىن 29 مىڭ پاتەر پايدالانۋعا بەرىلەدى"، - دەدى مينيستر.
ەسكە سالا كەتەيىك، قازاقستان پرەزيدەنتى نۇرسۇلتان نازاربايەۆ قازاقستان حالقىنا ارناعان جولداۋىندا "قولجەتىمدى باسپانا-2020" باعدارلاماسىن سىنعا الىپ، ونىڭ "تىم اۋقاتتى ادامدارعا" ارنالعانىن ايتقان ەدى. مەملەكەت باسشىسى جالعا بەرىلەتىن باسپانا سالۋعا كوزقاراستى قايتا قاراپ، پاتەرلەردى تىكەلەي، دەلدالسىز، ءارى مەيلىنشە تومەنگى پايىزبەن بەرۋدى قاراستىراتىن جاڭا باعدارلاما جاساۋدى تاپسىردى.
