قاراعاندى قالاسىندا لوتەرەيادان 20 ميلليون تەڭگە ۇتقان بيلەتتىڭ يەسى تابىلماي جاتىر

استانا. قازاقپارات - استانا قالاسىنىڭ تۇرعىنى ەكسپو-2017 كورمەسىنە وراي ويناتىلعان لوتەرەيادان 11 ميلليون تەڭگەدەن اسا قاراجات ۇتتى. سونداي-اق الماتى قالاسىنىڭ تۇرعىنى 1,5 ميلليون تەڭگەگە يە بولدى.

جەڭىمپازدارعا سىيلىقتار بۇگىن سالتاناتتى تۇردە تابىس ەتىلدى. لوتورەيادان تۇسكەن قارجى ەكسپو-2017 پاۆيلوندارى قۇرىلىسىنا جانە كورمەگە بايلانىستى وزگە دە ماقساتتار ءۇشىن جۇمسالاتىن بولادى.

جالپى ەكسپو كورمەسىن قولداۋ ماقساتىندا مۇنداي لوتەرەيالار يسپانيا، قىتاي ەلدەرىندە وتكىزىلگەن. ايتا كەتەيىك، ەلىمىزدە 5 ادام ميلليون تەڭگەدەن اساتىن ۇتىستى يەلەنگەن. ال 8- قاراشا كۇنى قاراعاندى قالاسىندا ساتىلىپ، 20 ميلليون تەڭگەگە يە بولعان بيلەتتىڭ يەسى ءالى تابىلماي جاتىر.

تەمىرلان باتال، «استانا ەكسپو-2017» لوتورەياسىنىڭ ديرەكتورى

- ءالى كۇنگە دەيىن بۇل بيلەت ۇيىمداستىرۋشىلارعا ۇسىنىلماي وتىر. ءبىز وسى جەڭىمپازدى كۇتۋدەمىز. ەگەر بۇل بيلەت پەن ونىڭ يەسى تابىلماسا، ۇتىس اقشاسىن دجەكپوتقا اۋدارامىز. ول ادامنىڭ ءالى 2,5 ايداي ۋاقىتى بار.

«حابار»