پىلدەر 20 جىلدان سوڭ جويىلىپ كەتۋى مۇمكىن

استانا. قازاقپارات - ءار 15 مينۋت سايىن جەر بەتىندە ءبىر ءپىل، ءار 9-11 ساعات سايىن ءبىر ءمۇيىزتۇمسىق ولتىرىلەدى. جىل سايىن براكونەرلەر 35 مىڭ ءپىل جانە 1 مىڭ ءمۇيىزتۇمسىقتىڭ كوزىن جويادى.

ەگەر ءدال وسى قارقىن ساقتالاتىن بولسا، وندا 20 جىلدان سوڭ جەر بەتىنەن الىپ ءسۇت قورەكتىلەر جويىلىپ كەتەدى، دەيدى پىلدەر مەن ءمۇيىزتۇمسىقتاردى قورعاۋشىلار. ولاردىڭ ۇيىمداستىرۋىمەن وتكەن سەنبىدە جاھاندىق مارش بۇكىل كونتينەنتتەردە بولىپ ءوتتى. الەمنىڭ 136 قالاسىندا پىلدەر مەن ءمۇيىزتۇمسىقتاردىڭ ماسكاسىن كيگەن ادامدار كوشەگە شىقتى. ولاردىڭ ماقساتى - وسى حايۋانداردى امان ساقتاپ قالۋ ءۇشىن ءۇن قاتۋ.

ا ق ش-تىڭ كولورادو شتاتى ۋنيۆەرسيتەتىنىڭ زەرتتەۋشىلەرى پىلدەردىڭ تۋۋى ولۋىنە قاراعاندا از ەكەندىگىن انىقتاعان، دەپ جازادى «مويا پلانەتا».

ايتا كەتەيىك، 2010-2012-جىل ارالىعىندا براكونەرلەر قولىنان 100 مىڭ ءپىل ءولىم قۇشقان. ولاردىڭ ەكى ءمۇيىزىنىڭ قۇنى $10 اسادى. نەگىزگى سۇرانىس قىتايدان تۇسەدى.