09:08, 30 - قىركۇيەك 2014 | GMT +5
كاراتەدەن قازاقستان قۇراماسى 20 التىن مەدالمەن ورالدى - فوتو
استانا. قازاقپارات - شوتوكان ستيلىندەگى كاراتە-دودان قازاقستان قۇراماسى الەم چەمپيوناتىندا (FSKA) ءساتتى ونەر كورسەتىپ، استاناعا قايتىپ كەلدى. ول 26-28- قىركۇيەك كۇندەرى پورتۋگاليانىڭ المادا قالاسىندا ءوتتى. ەلورداداعى اۋەجايدان سپورتشىلاردى ولاردىڭ جانكۇيەرلەرى قارسى الدى.
«چەمپيوناتقا الەمنىڭ 20 ەلىنەن كوماندالار كەلدى. ءبىزدىڭ سپورتشىلار 20 التىن مەدال ۇتتى، كۇمىس پەن قولا جۇلدەلەر ودان دا كوپ. ياعني، ءبىزدىڭ جەتىستىكتەرىمىز كۇتكەن ناتيجەلەرىمىزدەن دە اسىپ ءتۇستى. جاز بويى دايىندالدىق. سپورتشىلارىمىز ءبىزدىڭ ءۇمىتىمىزدى اقتادى»، - دەدى كوماندا جاتتىقتىرۋشىسى راۋان توعىزبايەۆ.
ونىڭ سوزىنە قاراعاندا، قازاقستاندىق سپورتشىلار بىلىكتى تەحنيكالارى مەن وزدەرىنىڭ پاتريوتتىق سەزىمدەرىن جوعارى دەڭگەيدە پاش ەتتى.
