قىلمىسكەر 20 جىل بويى تۇرمەدە زاڭدى ۇيرەنىپ، ءوزىنىڭ كىناسىزدىگىن دالەلدەدى

استانا. قازاقپارات - چيكاگولىق قىلمىستىق توپتىڭ بۇرىنعى جەتەكشىسى رودەلل ساندەرس ەسىمدى ازامات جالعان ايىپتىڭ نەگىزىندە سوڭعى 20  جىلىن تۇرمەدە وتكىزىپ كەلدى.

الايدا ادىلدىككە ءالى جەتپەگەن ول وزدىگىنەن زاڭدى وقىپ-ءبىلىپ، سوتتا كىناسىز ەكەندىگىن دالەلدەپ شىقتى.

بۇل تۋرالى Chicago Tribune باسىلىمى جازادى. 20 جىلىن تەمىر توردىڭ ارعى جاعىندا وتكەرگەن چيكاگولىق ازامات كۇنىنە 12 ساعات قۇقىقتىق ساۋاتىن ارتتىرۋمەن اينالىسقان.

شىندىق ىزدەپ شارق ۇرعان ازامات وتباسىنان مىڭ دوللار سۇراتىپ، قاجەتتى كىتاپتارىن العىزعان. زاڭعا ابدەن قانىققان سوڭ، وزىنە ءتىپتى سوتقا جۇگىنۋگە دەيىن جول اشىپ بەرگەن.

وتباسى-وشاق قاسىنا ورالۋدى اڭساعان ايىپتى اسىرەسە بالالارى ءۇشىن بارىن سالعاندىعىن ايتادى. ر. ساندەرسكە 1994 - جىلى اسا اۋىر قىلمىسپەن ادام ءولتىرۋ كىناسى ارتىلعان بولاتىن. دەسە دە ناقاق جالانىڭ 20  جىلىن ەڭسەرىپ تاستاعان ايىپتى ازاماتتىڭ الدا ءالى 40  جىلى قالعان ەدى.

اۆتور: جىگەر سارسەنوۆ

24.kz