ەلىمىزدىڭ ۇزدىك 20 وقۋ ورىنى انىقتالدى

استانا. قازاقپارات - ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى ەلىمىزدەگى ۇزدىك وقۋ ورىندارىن انىقتاۋ ءۇشىن جۇرگىزىلگەن تاۋەلسىز رەيتينگتىڭ قورىتىندىسى بويىنشا تاعى دا توپ جارىپ، ءبىرىنشى ورىننان كورىندى، دەپ حابارلايدى اتالمىش ءبىلىم ورداسىنىڭ باسپا ءسوز قىزمەتى.

ادىستەمەنى تاڭداۋ بارىسىندا ج و و-ىن ىرىكتەۋدىڭ بەرليندىك قاعيدالارىنا سۇيەنگەن: قولداناتىن ادىستەمەنىڭ ايقىندىعى، كورسەتكىشتى ونىڭ رەليەۆانتتىعى مەن شىندىعىنا قاراپ تاڭداۋ، اقپارات كوزدەرىنىڭ تەكسەرىلەتىندىگى جانە قول جەتىمدىگى.

ماسەلەن، ءبىلىم بەرۋ باعدارلامالارىنداعى ينستيتۋتسيونالدىق اككرەديتاتسيا، مامانداندىرىلعان اككرەديتاتسيا، ءبىلىم بەرۋ گرانتتارىنىڭ سانى، «التىن بەلگى» يەگەرلەرىنىڭ، «ج و و- نىڭ ەڭ ۇزدىك وقىتۋشىسى» مەملەكەتتىك گرانتىنىڭ، ق ر عىلىمىنىڭ دامۋىنا ۇلەس قوسقانى ءۇشىن يەلەنگەن سىيلىق جانە شاكىرتاقىنىڭ، عىلىمي گرانتتىڭ، پاتەنت پەن ونەرتاپقىشتىڭ، حيرش يندەكسى بويىنشا اگەنتتىك باسىلىمداردىڭ سانى، ءبارى-ءبارى ەسكەرىلەدى.

مامانداردىڭ پىكىرىنە سۇيەنسەك، ىرىكتەۋ تومەندەگىدەي ءتورت باعالاۋ بويىنشا جۇزەگە اسقان. ءارقايسىسىنىڭ سالماعى 25 پايىز: ونىڭ ىشىندە ستۋدەنتتەردىڭ، وقىتۋشىلاردىڭ، زەرتتەۋشىلەردىڭ ساپالىق قۇرامى، اكادەميالىق موبيلدىك بايلانىس، تۇلەكتەردىڭ سۇرانىسقا يە بولۋى، ماماندىق بويىنشا وقىتۋشىلاردىڭ، ماگيسترانتتاردىڭ، دوكتورانتتاردىڭ عىلىمي ماقالالارىنىڭ باسەكەگە قابىلەتتىلىگى ەرەكشە نازارعا الىنعان. بۇل ىرىكتەۋ بويىنشا اتالمىش ءادىس قاناتقاقتى تارتىپتە جۇزەگە اسىرىلعانىمەن الداعى ۋاقىتتا جوو- نىڭ كەپىلدەمەسى بويىنشا جەتىلدىرىلمەك.

رەيتينگ قورىتىندىسىندا ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى توپ جارىپ، ءبىرىنشى ورىننان كورىندى. ەكىنشى ورىندى ءال-فارابي اتىنداعى قازاق ۇلتتىق ۋنيۆەرسيتەتى ەنشىلەسە، اكادەميك ە. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىنە ءۇشىنشى ورىن بۇيىردى. جالپى تاۋەلسىز اگەنتتىك رەيتينگكە «توپ-20» دەپ ايدار تاققانىنا وراي جيىرما جۇلدەلى ورىن بەلگىلەگەن. ساراپشىلاردىڭ ايتۋىنشا، بۇل كورسەتكىش تالاپكەرلەردىڭ بولاشاق ماماندىقتارىن تاڭداۋلارىنا ءوز سەپتىگىن تيگىزەدى.

تاۋەلسىز اگەنتتىكتىڭ «توپ-20» رەيتينگىندە جۇلدەلى ورىن يەلەنگەن جوو ينستيتۋتسيونالدىق جانە باعدارلامالىق كورسەتكىش دەڭگەيى:

ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى - 88؛

ءال- فارابي اتىنداعى قازاق ۇلتتىق ۋنيۆەرسيتەتى - 83؛

اكادەميك ە. ا. بۋكەتوۆ اتىنداعى قاراعاندى مەملەكەتتىك ۋنيۆەرسيتەتى - 48؛

د. سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى - 34؛

م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى - 30؛

قازاق مەملەكەتتىك قىزدار پەداگوگيكالىق ۋنيۆەرسيتەتى - 23؛

قورقىت اتا اتىنداعى قىزىلوردا مەملەكەتتىك ۋنيۆەرسيتەتى - 21؛

س. سەيفۋللين اتىنداعى قازاق اگروتەحنيكالىق ۋنيۆەرسيتەتى -19؛

ق. جۇبانوۆ اتىنداعى اقتوبە ايماقتىق مەملەكەتتىك ۋنيۆەرسيتەتى - 18؛

قاراعاندى مەملەكەتتىك تەحنيكالىق ۋنيۆەرسيتەتى - 17؛

الماتى تەحنولوگيالىق ۋنيۆەرسيتەتى - 16؛

ماناش قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى - 13؛

ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى - 11؛

س. د. اسفەندياروۆ اتىنداعى ۇلتتىق مەديتسينا ۋنيۆەرسيتەتى - 10؛

تۇران- استانا ۋنيۆەرسيتەتى - 10؛

سەمەي قالاسى مەملەكەتتىك مەديتسينا ۋنيۆەرسيتەتى - 9؛

قاراعاندى مەملەكەتتىك مەديتسينا ۋنيۆەرسيتەتى - 9؛

مارات وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتى - 7؛

ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتى - 7؛

جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتى - 6.