تالدىقورعاندىق پوليسيا قىزمەتكەرلەرىنە 20 سكۋتەر كولىگى تابىس ەتىلدى

تالدىقورعان. قازاقپارات - بۇگىن تالدىقورعاندا الماتى وبلىسىنىڭ ۋچاسكەلىك ينسپەكتورلارىنىڭ سلەتى ءوتتى. ونىڭ بارىسىندا ءوڭىر باسشىسى اڭسار مۇساحانوۆ پوليتسيانىڭ ۋچاسكەلىك ينسپەكتورلارىنا 21 سكۋتەر كولىگىن تاپسىردى.

«ەندى سىزدەر الدەقايدا وپەراتيۆتى جۇمىس ىستەي الاسىزدار، دەمەك تەك قىلمىسپەن كۇرەسىپ قانا قويماي، قاداعالايتىن اۋماقتىڭ تازالىعىن دا باقىلايتىن بولاسىزدار» ، - دەپ اتاپ ءوتتى وبلىس اكىمى.

اكىم بولگەن سكۋتەرلەر تالدىقورعان پوليسەيلەرىنىڭ تىرەك پۋنكتتەرىنە ارنالعان. كەلەشەكتە مۇنداي كولىكتەرمەن الماتى وبلىسىنىڭ بارلىق اۋماعى جابدىقتالماق.

ايتا كەتەيىك، بۇگىنگى تاڭدا وبلىستا 256 ۋچاسكەلىك پوليسيا پۋنكتى بار. وندا 639 پوليسيا قىزمەتكەرى جۇمىس ىستەيدى.