قاڭتار وقيعاسىندا 208 ميلليون تەڭگەنىڭ قارۋ-جاراعىن ۇرلاعاندار سوتتالدى
تاراز. قازاقپارات - جامبىل وبلىسىندا «قاڭتار وقيعاسى» كەزىندە پوليتسيا دەپارتامەنتى عيماراتىنان 208 ميلليون تەڭگەنىڭ قارۋ-جاراعىن ۇرلاعان 5 ادام سوتتالدى، دەپ حابارلايدى قازاقپارات وبلىستىق سوت سايتىنا سىلتەمە جاساپ.
تاراز قالاسىنىڭ №2-سوتىندا ادامدار توبىمەن الدىن الا ءسوز بايلاسۋ ارقىلى قارۋ مەن وق- دارىلەردى جىمقىرۋ، زاڭسىز تاسىمالداۋ جانە ساقتاۋ (ق ر ق ك 291-ب. 3-ب. 4-ت. 287-ب. 2,3,4-، 291-ب. 1-ب. ى، 287-ب. 2،3،4-ب. ) بويىنشا 5 ادامعا قاتىستى قىلمىستىق ءىس قارالدى.
انىقتالعانداي، 2022 -جىلى قاڭتار ايىنىڭ 5 ىنەن 6 نا قاراعان ءتۇنى سوتتالۋشىلار ي. ، ءا. ، س. ، ب. ، م. تاراز قالاسىندا قيراتۋ، بۇزۋ، مۇلىكتى جويۋمەن ۇلاسقان جاپپاي تارتىپسىزدىكتەردىڭ بولىپ جاتقانىن پايدالانىپ، جامبىل وبلىسى پوليتسيا دەپارتامەنتىنىڭ عيماراتىنان اتىس قارۋلارى مەن وق- دارىلەردى جىمقىرعان.
ي. ءا. س. ب. جانە م.-نىڭ قىلمىستىق ارەكەتى سالدارىنان جامبىل وبلىسىنىڭ پوليتسيا دەپارتامەنتىنە 208480580 تەڭگە ماتەريالدىق زيان كەلتىرىلگەن.
«كىنا ءىس بويىنشا جينالعان دالەلدەرمەن: كۋالەردىڭ ايعاقتارىمەن، سوت- بالليستيكا ساراپتاماسىنىڭ قورىتىندىسىمەن جانە زاتتاي دالەلدەمەلەرمەن دالەلدەندى»، - دەلىنگەن سوت مالىمەتىندە.
سوتتالۋشىلار كىنالارىن مويىندادى.
جازا تاعايىنداۋ كەزىندە جازانى جەڭىلدەتەتىن ءمان-جاي رەتىندە سوتتالۋشىلاردىڭ شىن نيەتپەن وكىنۋى، مۇلىكتىك زالالدىڭ ەرىكتى تۇردە وتەلۋى، سوتتى بولماعاندارى نازارعا الىندى. اۋىرلاتاتىن ءمان-جاي رەتىندە قىلمىستىڭ توتەنشە جاعداي كەزىندە جاسالعانى بەلگىلەندى.
«جاسالعان قىلمىستاردىڭ سيپاتى مەن قوعامدىق قاۋىپتىلىك دارەجەسىن، سونداي-اق قىلمىستارعا ءاربىر قاتىسۋشىنىڭ ءرولىن ەسكەرە وتىرىپ، ي. ، ب. ، س.-عا 3 جىل 6 ايعا، ءا. عا 3 جىلعا، م.-عا 2 جىلعا باس بوستاندىعىنان ايىرۋ جازالارى تاعايىندالدى. ۇكىم زاڭدى كۇشىنە ەنگەن جوق»، - دەدى تاراز قالاسى №2-سوتىنىڭ باسپا ءسوز قىزمەتىنەن.
