11:20, 30 - ناۋرىز 2016 | GMT +6
قىتايدان 208 كەلى زاڭسىز تاۋاردى ۆاگونعا جاسىرىپ اكەلمەك بولعان ازامات ۇستالدى
استانا. قازاقپارات - قازاقستان- قىتاي شەكاراسىندا ورنالاسقان «دوستىق» باقىلاۋ- وتكىزۋ بەكەتىنىڭ تەمىرجولدىق بولىمشەسىندە «ءۇرىمجى - الماتى» پوەزىن شەكارالىق باقىلاۋدان وتكىزۋ بارىسىندا كونتراباندالىق جولمەن جۇك وتكىزۋگە تىرىسقان قازاقستاندىق ازامات ۇستالدى، دەپ حابارلايدى ق ر ۇ ق ك ش ق باسپا ءسوز قىزمەتى.
اتاپ ايتقاندا، اتالعان ازامات 13-ۆاگوننىڭ ءۇش بىردەي كۋپەسىنىڭ جوعارعى جانە استىڭعى سورەلەرىنە جاسىرعان زاتتارىنىڭ (كيىم- كەشەك، ازىق- تۇلىك، اۆتوكولىك دوڭگەلەكتەرى ت. ب. ) قۇجاتتارىن كورسەتە المادى. جۇكتىڭ جالپى سالماعى 208 كيلوگرام بولىپ شىقتى.
اتالعان دەرەك بويىنشا ماتەريالدار دوستىق ستانسياسىنداعى كولىكتىك پروكۋراتۋراعا تاپسىرىلدى.
