قاڭتار وقيعاسى كەزىندە ۇرلانعان 2089 قارۋ تابىلماي جاتىر
بۇل تۋرالى ق ر ءى ءى م تەرگەۋ دەپارتامەنتى باستىعىنىڭ ورىنباسارى مۇحتار قوجايەۆ ايتتى، دەپ حابارلايدى قازاقپارات ءتىلشىسى.
«قازىر ۇرلانعان قارۋدىڭ ءالى 2089 بىرلىگى انىقتالماعان. ونىڭ ىشىندە قارۋ-جاراق دۇكەندەرىنەن ۇرلانعان 1282 ازاماتتىق قارۋ، 648 تابەلدىك اتىس قارۋى، 159 جاراقات سالاتىن، گاز جانە سيگنالدى تاپانشا بار»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
مۇحتار قوجايەۆتىڭ اتاپ وتۋىنشە، ۇرلانعان قارۋدى انىقتاۋ باعىتىندا جۇمىس جالعاسىپ جاتىر.
«سونىمەن قاتار، ماقساتتى تۇردە جۇرگىزىلگەن جەدەل-الدىن الۋ ءىس-شارالارىنىڭ ناتيجەسىندە پوليتسيا قوسىمشا 1936 قارۋدى تاركىلەدى. ولاردىڭ كوبىسىنىڭ تىركەۋ نومىرلەرى وشىرىلگەن. سوندىقتان قازىر ولاردىڭ «قاڭتار وقيعاسى» كەزىندە قولدانۋعا قاتىستىلىعى انىقتالۋدا»، - دەدى دەپارتامەنت باستىعىنىڭ ورىنباسارى.
