جاپونيا تۇرعىندارىنىڭ سانى 2070 -جىلى 30 پايىزعا قىسقارادى - بولجام
بۇل تۋرالى قازاقپارات تۇركيانىڭ انادولى اگەنتتىگىنە سىلتەمە جاساپ حابارلايدى.
بۇل مالىمەتتەردى جاپونيانىڭ دەنساۋلىق ساقتاۋ، ەڭبەك جانە ءال-اۋقات مينيسترلىگىنىڭ تۇرعىندار جانە الەۋمەتتىك قاۋىپسىزدىك سالاسىنداعى زەرتتەۋلەر ۇلتتىق ينستيتۋتى جاريالادى.
وسىلايشا، 2070 -جىلى تىنىق مۇحيتى ەلىنىڭ تۇرعىندار سانى 2020 -جىلعى كورسەتكىشتەن 30 پايىزعا كەميدى.
جاڭارتىلعان بولجام بويىنشا، 2020 -جىلى 126,1 ميلليون ادامدى قۇراعان جاپونيا تۇرعىندارىنىڭ سانى 2056 -جىلدىڭ وزىندە 100 ميلليون ادامعا جەتەدى.
ەلدە تۇرىپ جاتقان شەتەلدىكتەر سانى (3 ايدان استام ۋاقىتتان بەرى تۇرىپ جاتقان ستۋدەنتتەر، جۇمىسشىلاردى قوسا العاندا) 2020 -جىلدان 2070 -جىلعا دەيىن 2,2 پايىزعا ۇلعايىپ، 10,8 پايىزدى قۇرايدى.
بولجامعا سايكەس، 2022 -جىلى جىلىنا 800 مىڭعا تومەندەگەن تۋۋ كورسەتكىشى 2043 -جىلى 700 مىڭنان دا از بولادى. ال 2070 -جىلى 500 مىڭنان تومەن قۇلدىرايدى.
جاپونيانىڭ الەمەتتىك قامتاماسىز ەتۋ جۇيەسىن ۇستاپ تۇرعان جاسى 15 پەن 64 ارالىعىنداعى ەل تۇرعىندارى 2020 -جىلى 75 ميلليون ادام بولعان. ينستيتۋت بولجامى بويىنشا، 2070 -جىلى بۇل سەگمەنت 45,3 ميلليونعا جەتەدى.
