وسكەمەننىڭ وقۋشىلارى 2067-جىلعا حات جازىپ قالدىرادى
ولار حاتتى «باسپا ءۇيى» فورماتىندا ۇيىمداستىرىلعان جازعى مەكتەپ جۇمىسى كەزىندە ازىرلەيدى. ۇيىمداستىرۋشىلاردىڭ پايىمداۋىنشا، بالالار «ونەر»، «عىلىم»، «الەم جانە مادەنيەت» سياقتى بىرنەشە باعىتتا جۇمىس ىستەيدى.
ولار مەكتەپتىڭ، ەل مەن الەمنىڭ دامۋ جولدارىن ءارتۇرلى قىرىنان قاراپ، بولاشاققا حات جازاردا سىني ويلاپ ءارى كرەاتيۆتى بولۋلارى قاجەت. سول ارقىلى بولاشاققا كوز سالۋ وقۋشىلاردىڭ وزدەرىن دە قىزىقتىرعان سىڭايلى.
اقىر سوڭىندا ولار ەلۋ جىلدان كەيىنگى قۇربىلارىنا حات جازىپ تاستاپ كەتپەك. وقۋشىلار وزدەرىنىڭ جەتەكشىلەرىمەن كوبىرەك ءارى ناقتى دەرەكتەر جيناۋ ماقساتىندا مەكتەپكە مامانداردى شاقىرادى، ادەبيەتتەردى وقيدى، ءتۇرلى ەلدەردى ارالايدى.
جيناعان مالىمەتتەرىن وڭدەپ، ءماتىن تۇزەدى. شەتەلدىك جانە وتاندىق جەتەكشىلەرىمەن جانە 11- سىنىپتىڭ ەرىكتىلەرىمەن جۇمىس ىستەگەن بالالار ماقالالارىن ءۇش تىلدە: قازاق، اعىلشىن، ورىسشا جازىپ، سۋرەت پەن بەينەماتەريالدارمەن تولىقتىرادى.
«جينالعان مالىمەتتەر كاپسۋلاعا ورنالاستىرىلىپ، مەكتەپتىڭ جاڭا عيماراتىنىڭ اۋلاسىنا كومىلەدى، ونى 50 جىلدان كەيىن اشىپ، وقىعاندار قازىرگى ادامداردىڭ قالاي ءومىر سۇرگەنىنەن حاباردار بولادى»، - دەيدى مەكتەپ ديرەكتورى كۇلفاريدا رايىسوۆا.
