قىتايدا ياگي داۋىلى سالدارىنان 205 ادام ەۆاكۋاتسيالاندى

حاڭجوۋ. قازاقپارات - قىتايدىڭ شىعىسىنداعى جىجياڭ پروۆينسياسىن ساعات كەشكى 11:35-تەر شاماسىندا بيىلعى جىلى ون ءتورتىنشى رەت قايتالانىپ تۇرعان ياگي داۋىلى جاپىرىپ ءوتتى، دەپ حابارلايدى قازاقپارات ءتىلشىسى شينحۋا اگەنتتىگىنە سىلتەمە جاساپ.

جەرگىلىكتى سۋ تاسقىنىمەن كۇرەس باسقارماسىنىڭ مالىمدەۋىنشە، تايفۋننىڭ ەپيتسەنترىندەگى جەلدىڭ جىلدامدىعى ساعاتىنا 102 شاقىرىمعا جەتكەن.

جەكسەنبى كۇنى پروۆينتسيانىڭ تايجوۋ، جوۋشان جانە ۆەنجوۋدى قوسقاندا 10 قالاسىنىڭ 204 959 تۇرعىنى ەۆاكۋاتسيالانعان. بالىق اۋلاۋشى 20949 جانە وزگە دە 4526 كەمە جەرگىلىكتى كەمەجايلارعا قايتارىلدى، دەلىنگەن سۋ تاسقىنىن باقىلاۋ جونىندەگى شتاب-پاتەردىڭ حابارلاماسىندا.

جەكسەنبىدەن دۇيسەنبىگە دەيىن قاتتى داۋىل تۇرىپ، ونىڭ سوڭى نوسەرلى جاڭبىرعا ۇلاسادى دەپ كۇتىلۋدە. سونداي-اق، داۋىل سولتۇستىك-باتىسقا قاراي اۋىسىپ، بىرتە- بىرتە باسىلادى دەپ بولجانۋدا.

قىتايدىڭ مەتەورولوگيالىق قىزمەتى ياگي تايفۋنىنا بايلانىستى جەكسەنبى كۇنى اۋا رايى قاۋىپتىلىگىنىڭ «كوك» دەڭگەيىن جاريالادى.